IPL 2023: దూకుడుగా ఆడి రాజస్థాన్‌కు విజయాన్ని అందించిన హిట్ మేయర్
ఈ వార్తాకథనం ఏంటి
అహ్మదాబాద్ లోని నరేంద్ర మోదీ స్టేడియంలో ఆదివారం గుజరాత్ టైటాన్స్, రాజస్థాన్ రాయల్స్ తలపడ్డాయి.
ఈ మ్యాచ్‌లో తొలుత టాస్ గెలిచిన రాజస్థాన్ కెప్టెన్ సంజుశాంసన్ బౌలింగ్ ఎంచుకున్నాడు.
బ్యాటింగ్ కు దిగిన గుజరాత్ నిర్ణీత 20 ఓవర్లలో 7 వికెట్ల నష్టానికి 177 పరుగుల భారీ స్కోరు చేసింది. రాజస్థాన్ నాలుగు బంతులు మిగిలి ఉండగానే లక్ష్యాన్ని చేధించింది.
శుభ్ మాన్ గిల్ (45), కెప్టెన్ హార్ధిక్ పాండ్యా (28) డేవిడ్ మిల్లర్ 46 పరుగులతో రాణించడంతో గుజరాత్ భారీ స్కోరును చేసింది.
రాజస్థాన్ బౌలర్లలో సందీప్ శర్మ2, టెంట్ బౌల్ట్, అడమ్ జంపా, యుజేంద్ర చాహల్ తలా ఓ వికెట్ తీశారు.
హిట్ మేయర్
జట్టుకు విజయాన్ని అందించిన హిట్ మేయర్
లక్ష్య చేధనకు బరిలోకి రాజస్థాన్ ఆరంభంలోనే గట్టి ఎదురుదెబ్బ తగిలింది.
ఓపెనర్లు యశస్వీ జైస్వాల్(1), జోస్ బట్లర్(0) తీవ్రంగా నిరాశ పరిచారు. అయితే ఫడిక్కల్, సంజుశాంసన్ పరుగులను మొదట్లో పరుగులు తీయడానికి చాలా కష్టపడ్డారు. సంజుశాంసన్ 26 పరుగులతో ఫర్వాలేదనిపించారు.
తర్వాత సంజుశాంసన్ బౌండరీల వర్షం కురిపించడంతో రాజస్థాన్ గెలుపు ఆశలు చిగురించాయి.
32 బంతుల్లో 62 చెలరేగాడు. చివర్లో హిట్ మేయర్ 56 పరుగులు, రవిచంద్రన్ అశ్విన్ 3 బంతుల్లో 10 పరుగులు చేసి రాజస్థాన్ కు విజయాన్ని అందించారు.
రాజస్థాన్ నిర్ణీత 19.2 ఓవర్లలో 7 వికెట్ల నష్టానికి 179 పరుగులు చేసింది. గుజరాత్ బౌలర్లలో మహమ్మద్ షమీ 3, రషీద్ ఖాన్ 2 వికెట్లు రాణించారు.