Team India : టీమిండియా వరల్డ్ కప్ జట్టులోకి రవిచంద్రన్ అశ్విన్
ఐసీసీ వన్డే వరల్డ్ కప్ 2023 కోసం భారత జట్టును ఈ నెల 5న ప్రకటించారు. తాజాగా బీసీసీఐ వరల్డ్ కప్ జట్టులో కీలక మార్పును చేసింది. గాయపడిన అక్షర్ పటేల్ స్థానంలో రవిచంద్రన్ అశ్విన్ కు అవకాశం కల్పించింది. ఆస్ట్రేలియాతో జరిగిన మొదటి రెండు వన్డేల్లో రవిచంద్రన్ అశ్విన్ అద్భుతంగా రాణించిన విషయం తెలిసిందే. ఈ నేపథ్యంలో సెలక్టర్లు అశ్విన్ వైపు మొగ్గు చూపారు. అక్షర్ పటేల్ గాయం విషయంలో ఆశించిన స్థాయిలో పురోగతి లేకపోవడంతో అతనికి ప్రత్యామ్నాయంగా అశ్విన్ జట్టులోకి తీసుకున్నట్లు తెలిసింది. సెప్టెంబర్ 30న గౌహతిలో ఇంగ్లండ్ తో వార్మప్ మ్యాచు కోసం ఇవాళ భారత జట్టుకు గౌహతికి చేరగా, అశ్విన్ కూడా జట్టుతో పాటు కనిపించడం విశేషం.
వన్డే ప్రపంచ కప్ కోసం భారత్ తుది జట్టు ఇదే
భారత జట్టు రోహిత్ శర్మ (కెప్టెన్), హార్ధిక్ పాండ్యా, విరాట్ కోహ్లీ, శుభ్ మాన్ గిల్, కేఎల్ రాహుల్, శ్రేయాస్ అయ్యర్, ఇషాన్ కిషన్, సూర్యకుమార్ యాదవ్, రవీంద్ర జడేజా, రవిచంద్రన్ అశ్విన్, జస్ప్రిత్ బుమ్రా, మహ్మద్ షమీ, శార్దుల్ ఠాకూర్, మహ్మద్ సిరాజ్, కుల్దీప్ యాదవ్
