Ravichandran Ashwin: మీడియం పేసర్‌ నుంచి స్పిన్నర్‌గా ఎదిగిన రవిచంద్రన్ అశ్విన్ అద్భుత ప్రస్థానమిదే!
చెన్నైలోని సెయింట్‌ బేడేస్‌ ఆంగ్లో ఇండియన్‌ హైస్కూల్‌లో 20 సంవత్సరాల క్రితం మొదలైన ఓ కుర్రాడి ప్రయాణం భారత క్రికెట్‌లో ఒక పెద్ద మలుపుగా మారింది. అప్పట్లో మీడియం పేస్‌ బౌలింగ్‌ చేస్తున్న ఆ కుర్రాడి పేరు రవిచంద్రన్ అశ్విన్. ఆ రోజున, కోచ్‌ విజయ్‌ కుమార్ సూచనతో ఆ కుర్రాడు ఆఫ్‌ స్పిన్‌ బౌలింగ్‌ చేయడం ప్రారంభించాడు. బంతిపై అతడి నియంత్రణ చూసి కోచ్‌ ఆశ్చర్యపోయారు. అతడిలో ఏదో ప్రత్యేకత ఉందని గుర్తించి, ఆఫర్‌ ఇచ్చారు. దీంతో అశ్విన్ ఆఫ్‌ స్పిన్‌ బౌలింగ్‌ను కసరత్తు చేసి, భారత క్రికెట్‌కు ఒక విలక్షణ స్పిన్‌ ఆల్‌రౌండర్‌ను అందించాడు.
537 వికెట్టు తీసిన అశ్విన్
అశ్విన్ 106 టెస్ట్‌ మ్యాచ్‌ల్లో 537 వికెట్లు సాధించి, టెస్టు క్రికెట్‌లో అత్యంత విజయవంతమైన స్పిన్‌ బౌలర్లలో ఒకరిగా నిలిచాడు. టెస్ట్‌ క్రికెట్‌లో లెఫ్ట్‌ హ్యాండర్‌లకు తాకట్టు చేసే బౌలర్‌గా గుర్తింపు పొందాడు. అశ్విన్ 268 లెఫ్ట్‌ హ్యాండర్‌ల వికెట్లు పడగొట్టడం దానిలో ఓ రికార్డు. సమకాలీన క్రికెట్‌లో అతడు అత్యంత తెలివైన బౌలర్‌గా పేరొందాడు. పిచ్‌ పరిస్థితులను సరిగా అర్థం చేసుకొని తన వ్యూహాలను అనుసరిస్తూ, ప్రతికూల పరిస్థితుల్లో కూడా వికెట్లు సాధించగలడు. అశ్విన్ కేవలం బౌలర్ మాత్రమే కాకుండా, అద్భుతమైన బ్యాటర్ కూడా. 25.53 సగటుతో 3,503 టెస్ట్‌ పరుగులు చేశాడు. ఐపీఎల్‌లో కూడా తనదైన ముద్ర వేశాడు.
ఐపీఎల్ లో అద్భుతాలు సృష్టించిన అశ్విన్
2008లో ధోనీ నాయకత్వంలో చెన్నై సూపర్ కింగ్స్‌కు కీలక ఆటగాడిగా నిలిచాడు. ఐపీఎల్ 2010, 2011 సీజన్లలో ఛాంపియన్‌గా నిలపడంలో అతడి కృషి మరువలేనిది. అశ్విన్ తన అంతర్జాతీయ కెరీర్‌లో అత్యంత సమర్థమైన బౌలర్‌గా మాత్రమే కాకుండా, జట్టులో కీలక ఆటగాడిగా కూడా నిలిచాడు. ముఖ్యంగా జడేజాతో కలిసి అతడు ఆడిన స్పిన్‌ ద్వయం జట్టు విజయాలలో కీలక పాత్ర పోషించింది. 2024 సెప్టెంబర్‌ నాటికి ఈ జోడీ 45 టెస్టులలో 34 విజయాలు సాధించింది. ఇప్పుడు, అశ్విన్ దూరం కావడంతో టీమ్‌ ఇండియా స్పిన్‌ లైన్‌-అప్‌లో ఖాళీగా ఉండిపోతుంది. అతడి మెరుపులు, స్పిన్‌ బౌలింగ్‌ ప్రత్యేకత టీమ్‌ ఇండియాకు ఎప్పటికీ మిస్‌ అవుతుంది.
