అండర్ 16 ఆటగాళ్లతో ముచ్చటించిన రిషబ్ పంత్
ఈ వార్తాకథనం ఏంటి
భారత్ స్టార్ బ్యాట్స్ మెన్ రిషబ్ పంత్ కారు ప్రమాదానికి గురై మొత్తం ఐపీఎల్ సీజన్‌కు దూరమయ్యాడు.
డిసెంబర్ 30న జరిగిన కారు ప్రమాదంలో పంత్ తీవ్రంగా గాయపడ్డాడు. ప్రస్తుతం పంత్ కోలుకుంటున్నాడు. ఈ ఏడాది మొత్తంగా క్రికెట్ కు దూరమయ్యాడు.
ఐపీఎల్ లో ఢిల్లీ క్యాపిటల్స్ కు పంత్ లేకపోవడంతో ఆ జట్టు ప్రస్తుతం పాయింట్ల పట్టికలో చివరి స్థానంలో ఉంది. ఈ ఏడాది టెస్ట్ ఛాంపియన్ షిప్ ఫైనల్, వన్డే ప్రపంచ కప్ వంటి ముఖ్యమైన మ్యాచ్ లకు పంత్ దూరమైన విషయం తెలిసిందే.
గతంలో కంటే ప్రస్తుతం పంత్ వేగంగా కోలుకుంటున్నాడు. ఇటీవల ఊతకర్రల సాయం లేకుండా నడిచిన వీడియో సోషల్ మీడియాలో వైరల్ అయింది.
Details
పంత్ విలువైన సమయాన్ని కేటాయించడంపై బీసీసీఐ హర్షం
ఢిల్లీ క్యాపిటల్స్ మ్యాచ్ సందర్భంగా అరుణ్ జైట్లీ స్టేడియానికి కూడా పంత్ విచ్చేశాడు.
తాజాగా బెంగళూర్ లోని జాతీయ క్రికెట్ అకాడమీలో అండర్-16 ఆటగాళ్లతో పంత్ ముచ్చటించాడు. ఈ ఫోటోలను బీసీసీఐ సోషల్ మీడియాలో పంచుకుంది.
క్రికెట్, లైఫ్ స్టైల్, హార్డ్ వర్క్, ఇతర విషయాలపై యువ ఆటగాళ్లతో పంత్ సంభాషించారు. పంత్ తన విలువైన సమయాన్ని ఇచ్చాడని బీసీసీఐ తన ట్విట్లో పేర్కొంది.
పంత్ 33 టెస్టు మ్యాచుల్లో ఐదు సెంచరీలు, 11 అర్ధసెంచరీలు చేశాడు. 30 వన్డేల్లో 34.60 సగటుతో 865 పరుగుుల చేశారు. ఐపీఎల్ లో 147.97 స్ట్రైక్ రేట్, 34.61 సగటుతో 2838 పరుగులను సాధించాడు.