IPL 2026: ఐపీఎల్ హిస్టరీలో సరికొత్త రికార్డ్.. గేల్ రికార్డ్ బద్దలు కొట్టిన గిల్ దోస్త్
ఈ వార్తాకథనం ఏంటి
ఐపీఎల్ చరిత్రలో కొత్త రికార్డు నమోదైంది. గుజరాత్ టైటాన్స్ యువ ఓపెనర్ సాయి సుదర్శన్, దిగ్గజ బ్యాటర్ క్రిస్ గేల్ పేరిట ఉన్న అరుదైన రికార్డును అధిగమించి ప్రత్యేక గుర్తింపు పొందాడు. రాయల్ చాలెంజర్స్ బెంగళూరుతో జరిగిన కీలక మ్యాచ్లో అద్భుతంగా ఆడిన ఆయన, ఐపీఎల్లో అత్యంత వేగంగా 2000 పరుగులు పూర్తి చేసిన ఆటగాడిగా నిలిచాడు. బెంగళూరులోని చిన్నస్వామి స్టేడియంలో గుజరాత్ టైటాన్స్, రాయల్ చాలెంజర్స్ బెంగళూరు జట్ల మధ్య ఈ మ్యాచ్ జరిగింది. టాస్ గెలిచిన బెంగళూరు జట్టు ముందుగా గుజరాత్ను బ్యాటింగ్కు ఆహ్వానించింది. అనంతరం కెప్టెన్ శుభ్మన్ గిల్తో కలిసి ఓపెనింగ్కు వచ్చిన సాయి సుదర్శన్ ఆరంభం నుంచే దూకుడు ప్రదర్శించాడు.
వివరాలు
గేల్ రికార్డు చెరిపేసిన సుదర్శన్
వీరిద్దరూ కలిసి తొలి పది ఓవర్లలో వికెట్ కోల్పోకుండా 100 పరుగులు పూర్తి చేసి జట్టుకు బలమైన ఆరంభాన్ని అందించారు. ఇన్నింగ్స్ తొమ్మిదో ఓవర్లో కృనాల్ పాండ్యా బౌలింగ్లో సాయి సుదర్శన్ తన శక్తివంతమైన ఆటను చూపించాడు. ఆ ఓవర్ చివరి బంతికి ముందు 66 పరుగులతో ఉన్న ఆయన, చివరి బంతిని సిక్సర్గా మలిచి 2000 పరుగుల మైలురాయిని చేరుకున్నాడు. ఇంతకుముందు ఈ రికార్డు క్రిస్ గేల్ పేరిట ఉండేది. గేల్ 48 ఇన్నింగ్స్ల్లో 2000 పరుగులు పూర్తి చేయగా, సాయి సుదర్శన్ కేవలం 47 ఇన్నింగ్స్ల్లోనే ఆ ఘనత సాధించాడు. దీంతో ఐపీఎల్ చరిత్రలో అత్యంత వేగంగా 2000 పరుగులు చేసిన బ్యాటర్గా సుదర్శన్ అగ్రస్థానంలో నిలిచాడు.