అదిరిపోయే స్టైల్‌లో సచిన్ కు శుభాకాంక్షలు తెలిపిన సెహ్వాగ్
ప్రపంచ క్రికెట్లో తనకంటూ ఓ ప్రత్యేక స్థానాన్ని సంపాదించుకున్న సచిన్ టెండుల్కర్.. నేడు 50వ పుట్టినరోజును జరుపుకుంటున్నాడు. ఈ నేపథ్యంలో మాజీ క్రికెటర్లు, సినీ, రాజకీయ ప్రముఖులు సచిన్ పుట్టిన రోజు శుభాకాంక్షలు చెబుతున్నారు. అయితే సోషల్ మీడియాలో యాక్టివ్ గా ఉంటే వీరేంద్ర సెహ్వాగ్ అదిరిపోయే స్టైల్ లో సచిన్ టెండుల్కర్ కు విష్ చేశాడు. ప్రస్తుతం ఈ వీడియో సోషల్ మీడియాలో వైరల్ కావడంతో వీరూ సూపర్ అంటూ నెటిజన్లు కామెంట్లు పెడుతున్నారు. సచిన్, వీరేంద్ర సెహ్వాగ్ కలిసి టీమిండియా 93 వన్డేల్లో ఓపెనర్లుగా వచ్చారు.
శీర్షాసనం వేసి శుభాకాంక్షలు తెలిపిన వీరూ
సచిన్ పాజీ..గ్రౌండ్ లో తనతో చెప్పిన ప్రతిదాన్ని నేను వ్యతిరేకించానని, ఈ ప్రత్యేకమైన 50వ బర్త్ డే లో శీర్షాసనం వేసి శుభాకాంక్షలు తెలియజేస్తున్నానని, సచిన్ వెయ్యేళ్లు వర్ధిల్లాలలని, హ్యాపీ బర్త్ డే పాజీ అంటూ సెహ్వాగ్ తన ట్విట్టర్ లో పేర్కొన్నారు. సచిన్-వీరేంద్ర సెహ్వాగ్ ఓపెనర్లగా 42.13 సగటుతో 3919 పరుగులు చేశారు. వీరిద్దరూ 12 సెంచరీల భాగస్వామ్యాలు, 18 అర్ధ శతక భాగస్వామ్యాలను టీమిండియా తరుపున నమోదు చేసి రికార్డు సృష్టించారు.
ఈ టైమ్ లైన్ ని షేర్ చేయండి