ఏసీ మిలన్ పై ఇంటర్ అద్భుత విజయం
శాన్ సిరోలో ఆదివారం జరిగిన తాజా సిరీస్ A మ్యాచ్‌లో AC మిలన్‌పై ఇంటర్ 1-0తో విజయం సాధించింది. స్ట్రైకర్ లౌటారో మార్టినెజ్ మొదటి అర్ధ భాగంలో అద్భుత ప్రదర్శన చేయడంతో ఇంటర్ విజయానికి పునాది పడింది. సీరీ Aలో ఏసీ మిలన్ వరుసగా మూడో ఓటమిని రుచి చూసింది. వరుసగా నాలుగు మ్యాచ్‌లలో ఓడిపోయి చెత్త రికార్డును నమోదు చేశారు. మిలన్ తదుపరి మ్యాచ్ కు టొరినోకు ఆతిథ్యం ఇవ్వనుంది. ఇంటర్ నాలుగు షాట్‌లతో 15 ప్రయత్నాలను చేసింది. మిలన్‌లో నాలుగుసార్లు ప్రయత్నించగా.. ఒకసారి కూడా లక్ష్యాన్ని చేరుకోలేదు. ఇంటర్ 65శాతం ఆధిపత్యం చెలాయించగా.. 83శాతం ఖచ్చితత్వాన్ని సాధించింది.
మూడో స్థానంలో నిలిచిన ఇంటర్
ఇంటర్ 21 మ్యాచ్ లతో 43 పాయింట్లను సాధించింది. ప్రస్తుతం సీరీ A స్టాండింగ్స్‌లో మూడో స్థానంలో నిలబడింది. మిలన్ 21 మ్యాచ్‌లతో 38 పాయింట్లు సాధించి ఆరో స్థానంలో ఉంది. విన్సెంజో మోంటెల్లా ఆధ్వర్యంలో ఫిబ్రవరి 2017 తర్వాత పోటీల్లో మిలన్ వరుసగా నాలుగు గేమ్‌లను ఓడిపోవడం ఇదే తొలిసారి. జనవరి 4న సలెర్నిటానాతో జరిగిన సీరీ A గేమ్‌లో మిలన్ తమ చివరి విజయాన్ని నమోదు చేసింది. లౌటారో మార్టినెజ్ ఈ మ్యాచ్‌లో ఏకైక గోల్ చేశాడు. మార్టినెజ్ ఇప్పుడు AC మిలన్‌పై ఏడు గోల్స్ చేశాడు. మిలన్ డెర్బీలో ఇంటర్‌లో అత్యధిక స్కోరు చేసిన రెండవ ఆటగాడిగా నిలిచాడు
