CPL 2025: 500 టీ20 వికెట్లు.. చ‌రిత్ర సృష్టించిన షకీబ్ అల్ హసన్‌..

వ్రాసిన వారు Sirish Praharaju

Aug 25, 2025

10:47 am

ఈ వార్తాకథనం ఏంటి

టీ20 క్రికెట్‌లో బంగ్లాదేశ్ సీనియర్ ఆల్‌రౌండర్ షకీబ్ అల్ హసన్ ఒక అరుదైన ఘనతను సాధించాడు. టీ20 ఫార్మాట్‌లో 500 వికెట్ల మైలురాయిని దాటిన ఐదో క్రికెటర్‌గా షకీబ్ రికార్డుల జాబితాలో చేరాడు. కరేబియన్ ప్రీమియర్ లీగ్ (CPL 2025)లో ఆంటిగ్వా అండ్ బార్బుడా తరపున ప్రాతినిధ్యం వహిస్తున్న షకీబ్, ఆదివారం జరిగిన సెయింట్ కిట్స్ అండ్ నెవిస్ పేట్రియాట్స్ మ్యాచ్‌లో ఈ ఘనతను సాధించాడు. ఆ మ్యాచ్‌లో సెయింట్ కిట్స్ వికెట్ కీపర్ బ్యాటర్ మహ్మద్ రిజ్వాన్‌ను ఔట్ చేసిన వెంటనే షకీబ్ ఈ రికార్డును తన ఖాతాలో వేసుకున్నారు. ఇప్పటివరకు బంగ్లాదేశ్ మాజీ కెప్టెన్ 457 మ్యాచ్‌లు ఆడి మొత్తం 502 వికెట్లు సాధించాడు.

వివరాలు

షకీబ్ మరో ప్రత్యేక రికార్డు

ఈ అరుదైన ఘనత సాధించిన ఆటగాళ్ల జాబితాలో అఫ్గానిస్తాన్ స్టార్ స్పిన్నర్ రషీద్ ఖాన్ 658 వికెట్లు తో అగ్రస్థానంలో ఉన్నాడు. అదేవిధంగా షకీబ్ మరో ప్రత్యేక రికార్డును కూడా తన ఖాతాలో వేసుకున్నాడు. పొట్టి ఫార్మాట్‌లో 7000 పరుగులు చేసి 500 వికెట్లు సాధించిన మొదటి బంగ్లాదేశ్ ఆటగాడిగా ఆయన నిలిచారు. అక్టోబర్ 2024 నుంచి జాతీయ జట్టుకు దూరంగా ఉన్న షకీబ్, ప్రస్తుతానికి ప్రపంచవ్యాప్తంగా జరుగుతున్న టీ20 లీగ్‌లలో మాత్రమే పాల్గొంటున్నారు.

వివరాలు

టీ20ల్లో అత్యధిక వికెట్లు తీసిన ప్లేయర్లు వీరే..

రషీద్ ఖాన్- 487 మ్యాచ్‌లు- 660 వికెట్లు డ్వైన్ బ్రావో- 582 మ్యాచ్‌లు- 631 వికెట్లు సునీల్ నరైన్- 557 మ్యాచ్‌లు- 590 వికెట్లు ఇమ్రాన్ తాహిర్- 436 మ్యాచ్‌లు- 554 వికెట్లు షకీబ్ అల్ హసన్- 457 మ్యాచ్‌లు-502 వికెట్లు