తదుపరి వార్తా కథనం
Shreyas Iyer: ఆస్ట్రేలియా మ్యాచ్‌లో గాయపడ్డ శ్రేయస్‌ అయ్యర్‌కి ఐసీయూలో చికిత్స!
వ్రాసిన వారు
Jayachandra Akuri
Oct 27, 2025
11:58 am
ఈ వార్తాకథనం ఏంటి
టీమిండియా స్టార్‌ బ్యాట్స్‌మన్‌ శ్రేయస్‌ అయ్యర్‌ తీవ్ర గాయంతో ఆసుపత్రిలో చేరాడు. ఆస్ట్రేలియాతో జరిగిన మూడో వన్డే మ్యాచ్‌లో ఫీల్డింగ్‌ సమయంలో ప్రమాదం జరిగింది. ఆస్ట్రేలియా ఆటగాడు అలెక్స్‌ కేరీ క్యాచ్‌ను అందుకునే ప్రయత్నంలో శ్రేయస్‌ పక్కటెముకలకు గాయమైంది. ఆ గాయం తీవ్రత కారణంగా అంతర్గత రక్తస్రావం ప్రారంభమైంది. వెంటనే వైద్యులు అతన్ని సిడ్నీలోని ఒక ప్రైవేట్‌ ఆసుపత్రికి తరలించారు. ప్రస్తుతం శ్రేయస్‌ ఐసీయూలో చికిత్స పొందుతున్నట్లు సమాచారం. వైద్య బృందం నిరంతరం అతని ఆరోగ్య పరిస్థితిని పర్యవేక్షిస్తోంది. శ్రేయస్‌ త్వరగా కోలుకోవాలని అభిమానులు సోషల్‌ మీడియాలో ప్రార్థనలు చేస్తున్నారు.