Sikinder Raza : టీ20ల్లో చరిత్ర సృష్టించిన సికిందర్ రజా.. తొలి జింబాబ్వే ప్లేయర్‌గా సరికొత్త రికార్డు
ఈ వార్తాకథనం ఏంటి
టీ20ల్లో జింబాబ్వే(Zimbabwe) కెప్టెన్ సికిందర్ రజా(Sikinder Raza) సరికొత్త చరిత్రను సృష్టించాడు.
పొట్టి క్రికెట్లో హ్యాట్రిక్ తీసిన తొలి జింబాబ్వే ప్లేయర్‌గా చరిత్రకెక్కాడు.
ఐసీసీ (ICC) పురుషుల టీ20 వరల్డ్ కప్ ఆఫ్రికా క్వాలిఫయర్‌లో భాగంగా సోమవారం రువాండతో జరిగిన మ్యాచులో ఈ రికార్డును నెలకొల్పాడు.
వరుసగా మూడు బంతుల్లో మూడు వికెట్లు తీసి ఈ ఘనతను సాధించాడు.
అతని కంటే ముందుగా నొమ్‌వెలో సిబండ, ఆండ్రే మజ్విషయ ఈ ఫీట్‌ను సాధించారు.
ఇక టీ20 వరల్డ్ కప్ 2024 పోటీలకు ఉగాండా(Uganda) క్వాలిఫై కావడంతో జింబాబ్వే ప్రతి మ్యాచులో నెగ్గాల్సిన పరిస్థితి ఏర్పడింది.
Details
కోహ్లీ రికార్డును సమం చేసిన సికిందర్ రాజా
రువాండాతో జరిగిన మ్యాచులో సికిందర్ రాజా అటు బౌలింగ్, ఇటు బ్యాటింగ్‌లో కూడా రాణించాడు. బ్యాటింగ్‌లో (58) హాఫ్ సెంచరీతో చెలరేగాడు.
అనంతరం హ్యాట్రిక్ వికెట్లతో రువాండాను బెంబెలెత్తించాడు. అదే విధంగా ఈ మ్యాచులో సికిందర్ రాజా, విరాట్ కోహ్లీ(Virat Kohli) రికార్డును సమం చేశాడు.
2023 అంతర్జాతీయ పరిమిత ఓవర్ల క్రికెట్లో కోహ్లీ ఆరుసార్లు 'ప్లేయర్ ఆఫ్ ది మ్యాచ్' గా నిలిచాడు.
తాజాగా సికిందర్ రాజా ఆరోసారి ప్లేయర్ ఆఫ్ ది మ్యాచ్ గా నిలిచి కోహ్లీతో సమంగా నిలిచాడు.
మొదట జింబాబ్వే 215 పరుగులు చేయగా, లక్ష్య చేధనలో రుగాండ 71 పరుగులకే కుప్పకూలింది.