Smriti-Palash: వివాహ రద్దు రూమర్లపై చెక్.. ఇన్‌స్టాలో ఎమోజీ పెట్టిన స్మృతి-పలాశ్
ఈ వార్తాకథనం ఏంటి
టీమిండియా స్టార్ బ్యాటర్ స్మృతి మంధాన-మ్యూజిక్ డైరెక్టర్ పలాశ్ ముచ్చల్ వివాహ వాయిదాపై తలెత్తిన వివాదాలకు చివరికి ముగింపు లభించినట్టైంది. వివాహం పూర్తిగా రద్దు చేసుకున్నారన్న పుకార్లు సోషల్ మీడియాలో వ్యాప్తి చెందుతున్న నేపథ్యంలో ఈ జంట తమ ఇన్‌స్టాగ్రామ్ బయోలో దిష్టి రక్ష ఎమోజీ (Nazar Amulet)ను చేర్చుకోవడం ద్వారా పరోక్షంగా క్లారిటీ ఇచ్చినట్టు కనిపిస్తోంది. వారిద్దరి మధ్య ఎలాంటి విభేదాలు లేవన్న సంకేతం కూడా ఈ చర్యతో బయటపడింది. ఇటీవలి రోజుల్లో స్మృతి ఇన్‌స్టాగ్రామ్ అకౌంట్‌లో పెళ్లికి సంబంధించిన పోస్టులు కనిపించకపోవడం నెట్టింట చర్చకు దారితీసింది. పలాశ్‌తో ఎంగేజ్‌మెంట్‌ను ధ్రువీకరిస్తూ రింగ్ చూపిన వీడియో స్మృతి ఇన్‌స్టా నుంచి తొలగించబడింది.
Details
త్వరలోనే వివాహం జరుగుతుంది
అదే వీడియోను జెమీమా, శ్రేయాంక కూడా సోషల్ మీడియా ఖాతాల నుంచి తీసేయడంతో, వారిరువురి మధ్య మనస్పర్థలు ఏర్పడ్డాయన్న సందేహాలు వెల్లువెత్తాయి. పైగా పలాశ్ ముచ్చల్ మరో మహిళతో మంధానను కించపరుస్తూ చాట్ చేశాడంటూ వెలుగుచూసిన స్క్రీన్‌షాట్లు వైరల్ కావడంతో ఈ రూమర్లు మరింత వేగం పుంజుకున్నాయి. ఈ నేపథ్యంతో పలాశ్ తల్లి అమిత తాజాగా ఓ ఆంగ్ల పత్రికతో మాట్లాడుతూ ఇప్పుడు వారిద్దరూ బాగానే ఉన్నారు. వివాహం త్వరలోనే జరుగుతుంది. పలాశ్ ఎప్పటికీ స్మృతిని అర్ధాంగిగా ఇంటికి తీసుకురావాలని కోరుకున్నాడు. నేను కూడా వారికి ప్రత్యేక స్వాగతం పలికేందుకు ఏర్పాట్లు చేశాను. ఇప్పుడు అన్నీ సవ్యంగానే ఉన్నాయని తెలిపారు.