Steve Smith: టెస్టుల్లో ప‌ది వేల ప‌రుగుల క్ల‌బ్‌లో చేరిన స్టీవ్ స్మిత్‌.. 15వ బ్యాట‌ర్‌గా రికార్డు

వ్రాసిన వారు Sirish Praharaju

Jan 29, 2025

03:30 pm

ఈ వార్తాకథనం ఏంటి

అంతర్జాతీయ టెస్ట్ క్రికెట్‌లో ఆస్ట్రేలియా బ్యాటర్ స్టీవ్ స్మిత్ చరిత్ర సృష్టించాడు. టెస్టుల్లో 10,000 పరుగులు పూర్తి చేసిన ఆటగాడిగా నిలిచి, ఈ ఘనతను సాధించిన 15వ బ్యాటర్‌గా గుర్తింపు పొందాడు. దీంతో అతను అత్యుత్తమ క్రికెటర్ల జాబితాలో స్థానం సంపాదించాడు. ఇటీవల భారత్‌తో జరిగిన టెస్టు సిరీస్ సమయంలో, స్మిత్ 10,000 పరుగుల మైలురాయికి కేవలం ఒక్క పరుగు దూరంలో నిలిచాడు. అయితే, నేడు శ్రీలంకతో ప్రారంభమైన టెస్టులో ఆ మైలురాయిని అధిగమించాడు. టెస్టుల్లో 10,000 పరుగులు చేసిన ఆటగాళ్లలో 15వ ఆటగాడిగా నిలిచిన స్మిత్, ఆస్ట్రేలియా తరఫున ఈ ఘనత సాధించిన నాలుగో బ్యాటర్‌గా రికార్డు సృష్టించాడు.

వివరాలు

టెస్టుల్లో అత్యధిక పరుగులు చేసిన మాస్టర్ బ్లాస్టర్ సచిన్

ఇంతకుముందు ఈ జాబితాలో చేరిన ఆసీస్ బ్యాటర్లు రికీ పాంటింగ్ (13,378), అలన్ బోర్డర్ (11,174), స్టీవ్ వా (10,927) మాత్రమే. టెస్టుల్లో అత్యధిక పరుగులు చేసిన ఆటగాడిగా మాస్టర్ బ్లాస్టర్ సచిన్ టెండూల్కర్ మొదటి స్థానంలో ఉన్నాడు. అతను 15,921 పరుగులు చేశాడు. శ్రీలంకతో జరుగుతున్న గాలే టెస్టులో తాజా సమాచారం ప్రకారం, తొలి ఇన్నింగ్స్‌లో ఆస్ట్రేలియా 60 ఓవర్లలో రెండు వికెట్ల నష్టానికి 261 పరుగులు చేసింది. ఖవాజా 119 పరుగులతో, స్టీవ్ స్మిత్ 64 పరుగులతో క్రీజ్‌లో ఉన్నారు.

ట్విట్టర్ పోస్ట్ చేయండి

ఐసీసీ చేసిన ట్వీట్

An exclusive club welcomes another member 👏

Well played, Steve Smith 🏏

More ➡️ https://t.co/t44tcMDKZX pic.twitter.com/dJRoa6n0FL
— ICC (@ICC) January 29, 2025