గిన్నిస్ వరల్డ్ రికార్డును సృష్టించిన సూఫియా సూఫీ
ఈ వార్తాకథనం ఏంటి
భారత్ ఆల్ట్రా రన్నర్ సుఫియా సూఫీ ఖాన్ మరోసారి గిన్నిస్ వరల్డ్ రికార్డు సృష్టించింది . ఖతార్‌లో వేగవంతమై నరన్నింగ్ పూర్తి చేసి ఈ ఘనతను సాధించింది. తన కెరియర్‌లో నాల్గొసారి గిన్నిస్ ప్రపంచ రికార్డును సాధించడానికి ఎన్నో అడ్డంకులను ఆమె అధిగమించింది. 37 ఏళ్ల అల్ట్రా రన్నర్ సూఫీ ఖాన్ ఇండియా వ్యాప్తంగా సుదూర రన్నింగ్ లక్ష్యాలను సాధించడంలో ప్రసిద్ధి చెందారు. 30 గంటల 34 నిమిషాల్లోనే 200 కి.మీ.లకు పైగా ప్రయాణించి సరికొత్త రికార్డును ప్రస్తుతం సూఫీ ఖాన్ సృష్టించింది. పరిగెత్తే సమయంలో పలు సమస్యలతో బాధపడుతూ మూడుసార్లు వాంతులు చేసుకుంది. పట్టుదలతో పరిగెత్తి అత్యంత వేగంగా ఈ ఘనత సాధించిన మహిళగా గిన్నిస్ పుటల్లోకీ ఎక్కింది.
సూఫియా సూఫీ
సూఫియా సూఫీ నమోదు చేసిన రికార్డులు
నాలుగోసారి ప్రపంచ రికార్డును సృష్టించడం ఆనందంగా ఉందని, ఖతార్‌లో వేగవంతమైన పరుగు కోసం ప్రపంచ రికార్డును సాధించానని, ఈ అవార్డును ఇండియా తీసుకువచ్చే అవకాశం లభించడం చాలా గర్వంగా ఉందని సూఫియా సూఫీ పేర్కొంది. 2019లో కాశ్మీర్ నుంచి కన్యాకుమారి వరకు అత్యంత వేగంగా ప్రయాణించిన మహిళగా, 2021లో గోల్డెన్ క్వాడ్రిలేటరల్ రోడ్ రన్‌ను పూర్తి చేసిన మహిళగా, 2022లో మనాలి-లేహ్ హిమాలయన్ అల్ట్రా రన్ ఛాలెంజ్‌ను కవర్ చేసిన మహిళగా ఆమె వరల్డ్ రికార్డులు సృష్టించిన విషయం తెలిసిందే.