Abhishek Sharma: టీమిండియా స్టార్ అభిషేక్ శర్మ కొత్త టాటూ.. దాని అర్థం ఇదే!
ఈ వార్తాకథనం ఏంటి
టీమిండియా యువ సంచలనం, ప్రపంచ నంబర్‌ 1 టీ20 బ్యాటర్‌ అభిషేక్ శర్మ ఆటతో పాటు తన స్టైల్‌తో కూడా చర్చనీయాంశంగా మారాడు. విధ్వంసక బ్యాటింగ్‌తో ప్రత్యర్థులను దారుణంగా దెబ్బతీసే ఈ లెఫ్ట్‌ హ్యాండర్‌ ఇప్పుడు తన ఆత్మవిశ్వాసాన్ని ప్రతిబింబించేలా ఓ కొత్త టాటూ వేయించుకున్నాడు. కుడి చేతి మణికట్టుపై 'It will happen' (అది జరుగుతుంది) అని రాసిన ఈ టాటూ ప్రస్తుతం సోషల్‌ మీడియాలో వైరల్‌గా మారింది. తన కొత్త టాటూకు సంబంధించిన ఫొటోలను అభిషేక్ ఇన్‌స్టాగ్రామ్‌ స్టోరీలో షేర్‌ చేశాడు. ఆ పోస్టు కేవలం 10 గంటల్లోనే లక్షకు పైగా లైకులు దక్కించుకోవడం అతని పాప్యులారిటీని స్పష్టంగా చూపిస్తోంది.
Details
అద్భుత ఫామ్‌లో అభిషేక్ శర్మ
ఏదైనా సాధించగలననే నమ్మకాన్ని ఈ టాటూ ప్రతిబింబిస్తోందంటూ అభిమానులు కామెంట్లు చేస్తున్నారు. అభిషేక్ ఆటతీరు, అతని ఆత్మవిశ్వాసం ఇప్పుడు క్రికెట్‌ అభిమానుల మధ్య హాట్‌ టాపిక్‌గా మారాయి. గతేడాది నుండి అభిషేక్ అద్భుత ఫామ్‌లో ఉన్నాడు. టీ20 ఫార్మాట్‌లో భారత్‌ తరఫున అత్యధిక వ్యక్తిగత స్కోరు (135) చేసిన ఘనత అతనిది. ఐపీఎల్‌ 2025లో సన్‌రైజర్స్‌ హైదరాబాద్‌ జట్టుకు ప్రాతినిధ్యం వహిస్తూ, 246 పరుగుల భారీ లక్ష్య ఛేదనలో 141 పరుగులతో విజయం సాధించాడు.
Details
925 రేటింగ్‌ పాయింట్లతో అగ్రస్థానంలో అభిషేక్
అదే కాకుండా ఇటీవల ముగిసిన ఆసియా కప్‌ 2025లో 'ప్లేయర్‌ ఆఫ్‌ ది టోర్నమెంట్‌', ఆస్ట్రేలియాతో జరిగిన సిరీస్‌లో 'ప్లేయర్‌ ఆఫ్‌ ది సిరీస్‌'గా నిలిచి తన ప్రతిభను మరోసారి చాటుకున్నాడు. ప్రస్తుతం ఐసీసీ టీ20 బ్యాటింగ్‌ ర్యాంకింగ్స్‌లో 925 రేటింగ్‌ పాయింట్లతో అగ్రస్థానంలో ఉన్న అభిషేక్, రెండో స్థానంలోని ఫిల్‌ సాల్ట్‌ కంటే 76 పాయింట్ల ఆధిక్యంలో కొనసాగుతున్నాడు. 2026లో స్వదేశంలో జరగనున్న టీ20 ప్రపంచకప్‌ ముందు అభిషేక్ ఈ ఫామ్‌లో ఉండడం టీమ్‌ఇండియాకు ఎంతో శుభపరిణామంగా భావిస్తున్నారు.