Dinesh Karthik Brithday: పడిలేచిన కెరటం దినేష్ కార్తీక్.. క్రికెటర్ నుండి కామెంటేటర్
ఈ వార్తాకథనం ఏంటి
టీమిండియాలో పెద్దోడే కానీ యువకులతో పోటీపడే ఆట అతడి సొంతం. ఒకప్పుడు బెస్ట్ ఫినిషర్ గా ఉన్న ధోనికి సరైన జోడు, ఎంతటి లక్ష్యమైనా తన బ్యాటుతో చేధించే డ్యాషింగ్ ప్లేయర్, కెరీర్ ముగిసిందన్న సమయంలో మళ్లీ టీమిండియాకు సెలెక్ట్ అయి ఎన్నో విజయాలను అందించిన ప్లేయర్ దినేష్ కార్తీక్. నేడు అతను 38వ ఏట అడుగుపెడుతున్న సందర్భంగా అతడి గురించి కొన్ని విషయాలను ఇప్పుడు తెలుసుకుందాం. దినేస్ కార్తీక్.. గంగూలీ కెప్టెన్ గా ఉన్నన్నప్పటి నుంచి టీమిండియాలో చోటుకోసం ఎంతగానో ప్రయత్నించాడు. ఎంఎస్ ధోనీ కంటే ముందే భారత జట్టులో వికెట్ కీపర్ గా ఉన్న అతను మిస్టర్ కూల్ రాకతో జట్టులో స్థానాన్ని కోల్పోయాడు.
Details
2002 తమిళనాడు తరుపున అరంగ్రేటం చేసిన దినేష్ కార్తీక్
కెరీర్ పరంగా ఎన్నో ఎత్తు పల్లాలను చూసిన డీకే.. తనను తాను నిరూపించేందుకు గట్టిగానే పోరాడాడు. కార్తీక్ 1985లో జూన్ 1వ తేదీన చెన్నైలో జన్మించాడు. దినేష్ కార్తీక్ తండ్రి కృష్ణ కుమార్ క్రికెటర్ కావడంతో అతను కూడా క్రికెట్ పై దృష్టి సారించాడు. దినేష్ కార్తీక్ తన ఫస్ట్ క్లాస్ క్రికెట్ ను తమిళనాడు తరుపున 2002లో అరంగేట్రం చేశాడు. బరోడాతో తొలి ఫస్ట్ క్లాస్ మ్యాచు ఆడాడు. 2004లో ఇంగ్లాండ్ తో జరిగిన వన్డే సిరీస్ లో తొలిసారిగా అంతర్జాతీయ మ్యాచులో అరంగ్రేటం చేశాడు. 2007 టీ20 వరల్డ్ కప్ జట్టులో దినేష్ కార్తీక్ భాగస్వామ్యయ్యాడు. ప్రపంచ కప్ ఫైనల్ మ్యాచులో పాకిస్థాన్‌ను టీమిండియా ఓడించి ట్రోఫీని గెలుపొందింది.
Details
టీ20ల్లో మ్యాన్ ఆఫ్ ది మ్యాచ్ అందుకున్న మొదటి భారత క్రికెటర్ డీకే
దినేష్ కార్తీక్ టీ20ల్లో మ్యాన్ ఆఫ్ ది మ్యాచ్ అందుకున్న తొలి ఇండియన్ గా రికార్డుకెక్కాడు. 2006లో ధక్షిణాఫ్రికాతో భారత్ కు జరిగిన తొలి టీ20లో ఐదో స్థానంలో బ్యాటింగ్ దిగి 28 బంతుల్లో 31 పరుగులు చేశాడు. ఈ మ్యాచులో టీమిండియాలో 6 వికెట్ల తేడాతో గెలుపొందింది. అదే విధంగా 2014 ఐపీఎల్ వేలంలో దినేష్ కార్తీక్ అత్యధిక ధరకు అమ్ముడుపోయిన రెండో ప్లేయర్ గా నిలిచాడు. అతడిని ఢిల్లీ డేర్ డెవిల్స్ రూ.12.5 కోట్లకు కొనుగోలు చేసింది. ఆ తర్వాత రాయల్ ఛాలెంజర్స్ బెంగళూర్ 10.5 కోట్లకు కొనుగోలు చేసింది. ఒకప్పుడు దినేష్ కార్తీక్ బాలీవుడ్ రియాల్టీలో నటి నిగార్ ఖాన్ తో కలిసి సందడి చేసిన విషయం తెలిసిందే.
Details
కామెంటరీగా అవతారమెత్తిన దినేష్ కార్తీక్
దినేష్ కార్తీక్ టీమిండియా తరుపున 94 వన్డేలు ఆడి 1752 పరుగులు చేశాడు. ఇక 26 టెస్టులు ఆడి 1025 పరుగులు చేశాడు. ఇందులో ఒక సెంచరీ, ఏడు అర్ధ సెంచరీలను బాదాడు. 60 అంతర్జాతీయ టీ20లు ఆడి 686 పరుగులు చేశాడు. ఇక ఐపీఎల్ లో 242 మ్యాచుల్లో 4516 పరుగుల చేశాడు. ఇందులో 20 హాఫ్ సెంచరీలున్నాయి. ప్రస్తుతం దినేష్ కార్తీక్ డబ్ల్యూటీసీ ఫైనల్లో రికి పాంటింగ్, హెడేన్, లాంగర్, గవాస్కర్, రవిశాస్త్రి లాంటి దిగ్గజాలతో కలిసి కామెంట్రీ ఇవ్వబోతున్నాడు.