BCCI: బీసీసీఐ ఫ్యామిలీ పాలసీలో మార్పులేమీ లేవు.. కార్యదర్శి సైకియా స్పష్టీకరణ
ఈ వార్తాకథనం ఏంటి
బీసీసీఐ (BCCI) ఫ్యామిలీ పాలసీలో ఎటువంటి మార్పులు లేవని బోర్డు కార్యదర్శి దేవ్‌దత్‌ సైకియా స్పష్టంచేశారు.
ఇటీవల టీమిండియా మాజీ కెప్టెన్ విరాట్‌ కోహ్లీ (Virat Kohli) ఈ నిబంధనలపై తన అసంతృప్తిని వ్యక్తం చేసిన విషయం తెలిసిందే.
భారత క్రికెటర్లు అంతర్జాతీయ మ్యాచుల కోసం విదేశీ పర్యటనలకు వెళ్లినప్పుడు, వారి కుటుంబ సభ్యులు వారితో ఉండడంపై బీసీసీఐ కొన్ని కఠిన నిబంధనలను అమలు చేసింది.
బోర్డర్‌ గవాస్కర్‌ ట్రోఫీలో ఆస్ట్రేలియాతో 1-3 తేడాతో ఓటమి తర్వాత ఈ మార్పులు అమలులోకి వచ్చాయి. కానీ సమీప భవిష్యత్తులో వీటిలో ఎటువంటి సవరణలు ఉండబోవని సైకియా స్పష్టం చేశారు.
Details
ఇది పాత విధానమే
ఈ పాలసీ దేశానికి, బీసీసీఐకి ఎంతో ముఖ్యమైనది. ఇది ఒక్కసారిగా తీసుకున్న నిర్ణయం కాదు. ఇలాంటి నిబంధనలు చాలా కాలం నుంచి అమలులో ఉన్నాయి.
బీసీసీఐ అధ్యక్షుడు రోజర్‌ బిన్నీ క్రికెట్‌ ఆడే కాలం కంటే ముందే ఈ పాలసీ అమలులోకి వచ్చింది. ప్రస్తుత విధానం కేవలం మునుపటి నిబంధనలకు కొన్ని సవరణలు మాత్రమే.
ఇందులో ప్రాక్టీస్ సెషన్లలో ఆటగాళ్ల హాజరు, మ్యాచుల షెడ్యూల్‌లు, విదేశీ పర్యటనలు, లగేజీ మేనేజ్‌మెంట్, జట్టు కదలికలు, ఇతర అనుబంధ కార్యక్రమాలకు సంబంధించిన నియమాలు ఉన్నాయి.
ఇవన్నీ జట్టు సమన్వయం, ఐక్యతను పెంచడానికే తీసుకున్న నిర్ణయాలు'' అని సైకియా వివరించారు. ఐపీఎల్‌ 2024 అనంతరం టీమిండియా జూన్‌-జులైలో ఇంగ్లాండ్‌లో 5 టెస్టు మ్యాచులు ఆడనుంది.