Loading...
Virat Kohli: 14 ఏళ్లుగా దేశం కోసం ఆడారు.. రోహిత్‌, కోహ్లీలకు మద్దతుగా నిలిచిన మాజీ క్రికెటర్‌!
14 ఏళ్లుగా దేశం కోసం ఆడారు.. రోహిత్‌, కోహ్లీలకు మద్దతుగా నిలిచిన మాజీ క్రికెటర్‌!

Virat Kohli: 14 ఏళ్లుగా దేశం కోసం ఆడారు.. రోహిత్‌, కోహ్లీలకు మద్దతుగా నిలిచిన మాజీ క్రికెటర్‌!

వ్రాసిన వారు Jayachandra Akuri
Nov 16, 2026
04:12 pm

ఈ వార్తాకథనం ఏంటి

భారత స్టార్‌ క్రికెటర్లు రోహిత్‌ శర్మ, విరాట్‌ కోహ్లీ న్యూజిలాండ్‌ పర్యటన ముగిసింది. కేవలం వన్డేల్లో మాత్రమే ఆడుతున్న ఈ ఇద్దరు సీనియర్లు.. కివీస్‌తో జరిగిన వన్డే సిరీస్‌లో ఆశించిన స్థాయిలో రాణించలేకపోయారు. భారత జట్టు 3-1 తేడాతో సిరీస్‌ను కైవసం చేసుకున్నప్పటికీ.. భారీ అంచనాలు పెట్టుకున్న రోహిత్‌, విరాట్‌ మాత్రం నిరాశపరిచారు. విరాట్‌ కోహ్లీ తొలి మ్యాచ్‌లో హాఫ్‌ సెంచరీ చేసినప్పటికీ.. మిగతా మూడు మ్యాచ్‌ల్లో సింగిల్‌ డిజిట్‌కే పరిమితమయ్యాడు. చివరి రెండు మ్యాచ్‌ల్లో పేస్‌ బౌలింగ్‌కు వికెట్‌ సమర్పించుకోవడం అభిమానులను బాధించింది. దీంతో ఈ ఇద్దరు సీనియర్‌ ఆటగాళ్లను జట్టులో కొనసాగించడంపై మరోసారి చర్చ మొదలైంది. అయితే, మాజీ క్రికెటర్‌ అజయ్‌ జడేజా మాత్రం రోహిత్‌, కోహ్లీలకు మద్దతుగా నిలిచాడు.

వివరాలు

14 ఏళ్లుగా దేశం కోసం అద్భుత ప్రదర్శన

ఒకటి రెండు మ్యాచ్‌ల్లో పేలవ ప్రదర్శనతో వారి ఆటతీరును అంచనా వేయడం సరికాదని అభిప్రాయపడ్డాడు. విరాట్‌, రోహిత్‌ వంటి అద్భుతమైన ఆటగాళ్ల ప్రదర్శనను ఒక మ్యాచ్‌ లేదా సిరీస్‌ ఆధారంగా అంచనా వేయడం సరికాదు.

14 ఏళ్లుగా దేశం కోసం వారు అత్యుత్తమంగా ఆడారు. ప్రతి పర్యటనలోనూ తమ సత్తా చాటారు. ఈసారి సిరీస్‌లోనూ వారి ఆటలో ఒక రకమైన ప్రశాంతత కనిపించింది.

చాలా స్వేచ్ఛగా ఆడారు. ఇప్పుడు వారు కేవలం అభిమానులను అలరించే స్థాయిలో ఉన్నారు. ఇంకా ప్రత్యేకంగా నిరూపించుకోవాల్సిందేమీ లేదు.

ఒకటి రెండు మ్యాచ్‌ల్లో పరుగులు చేయనంత మాత్రాన ఆందోళన చెందాల్సిన అవసరం లేదు. ఒక్కోసారి త్వరగా ఔట్‌ కావడం ఆటలో భాగమే. గతంలోనూ ఇలాంటివి జరిగాయి.

వివరాలు

విరాట్‌ను చూసేందుకే అభిమానులు వచ్చారు

ఎవరైనా సరే సిరీస్‌ను ఘనంగా ముగించాలని కోరుకుంటారు. కివీస్‌తో చివరి మ్యాచ్‌ వారి స్థాయిని నిర్ణయించదు.

ఇన్నాళ్లుగా ఆ ఇద్దరూ నిలకడగా సాధించిన విజయాలే వారికి అసలైన గుర్తింపునిస్తాయని జడేజా తెలిపాడు. కివీస్‌తో సిరీస్‌లో విరాట్‌ కోహ్లీని చూసేందుకు మాత్రమే అభిమానులు వచ్చారు.

అతడు పరుగులు చేసినా.. చేయకపోయినా వారికి అనవసరం. మైదానంలో ఎక్కడో ఒకచోట కనిపిస్తే చాలు. విరాట్‌ కూడా అభిమానులను అలరించేందుకు ఎప్పుడూ సిద్ధంగా ఉంటాడు.

చివరి మ్యాచ్‌లో క్యాచ్‌ వదిలేసినప్పటికీ.. కోహ్లీలోని ఆ ఫైర్‌ను అందరూ చూశారు. ఇదే విరాట్‌ అసలైన లక్షణం. దీనిని చూసేందుకే అభిమానులు ఇష్టపడతారని అజయ్‌ జడేజా విశ్లేషించాడు.

ADVERTISEMENT