Vinod Kambli: నిలకడగా కాంబ్లీ ఆరోగ్యం.. డాక్టర్లు ఏమన్నారంటే..?
ఈ వార్తాకథనం ఏంటి
భారత మాజీ క్రికెటర్ వినోద్ కాంబ్లీ ఆరోగ్యం మరింత క్షీణించడంతో ఆయన కుటుంబ సభ్యులు శనివారం థానేలోని ఒక ప్రైవేట్ ఆసుపత్రిలో చేర్పించారు. అక్కడ వైద్యులు నిర్వహించిన పరీక్షల తర్వాత సోమవారం కాంబ్లీ ఆరోగ్య పరిస్థితి గురించి షాకింగ్ రిపోర్ట్ వెలువడింది. కాంబ్లీ మెదడులో రక్తం గడ్డకట్టినట్లు వైద్యులు నిర్ధారించారు. కాంబ్లీకి చికిత్స అందిస్తున్న డాక్టర్ వివేక్ త్రివేది ప్రకారం, కాంబ్లీ మొదట మూత్రనాళ ఇన్ఫెక్షన్, కండరాల సమస్యలతో బాధపడుతూ శనివారం భివాండీ పట్టణంలోని కల్హేర్ ప్రాంతంలోని ఆసుపత్రిలో చేరారు. పరీక్షల అనంతరం ఆయన మెదడులో రక్తం గడ్డకట్టినట్లు గుర్తించామని వైద్య బృందం వెల్లడించింది. కాంబ్లీ ఆరోగ్యాన్ని నిరంతరం పర్యవేక్షిస్తామని, మంగళవారం అదనపు వైద్య పరీక్షలు నిర్వహిస్తామని డాక్టర్ త్రివేది పేర్కొన్నారు.
వివరాలు
జీవితాంతం ఉచిత వైద్యం
దానికితోడు, ఆసుపత్రి ఇన్‌ఛార్జ్ ఎస్ సింగ్ కాంబ్లీకి జీవితాంతం ఉచిత వైద్యం అందించనున్నట్లు తెలిపారు. 1996 ప్రపంచ కప్ జట్టులో సభ్యుడైన కాంబ్లీ, రిటైర్మెంట్ తర్వాత ఆరోగ్య సమస్యలు, ఆర్థిక ఇబ్బందులతో పోరాడుతూ జీవిస్తున్నాడు. ఇటీవల తన చిన్ననాటి కోచ్ రమాకాంత్ అచ్రేకర్ స్మారక కార్యక్రమంలో పాల్గొన్నప్పుడు కాంబ్లీ బలహీనంగా కనిపించాడు. అక్కడ తన స్నేహితుడు సచిన్ టెండూల్కర్‌ను కలవగా భావోద్వేగానికి గురయ్యాడు. కాంబ్లీ ఆరోగ్య పరిస్థితి గురించి తెలుసుకున్న భారత మాజీ కెప్టెన్లు సునీల్ గవాస్కర్, కపిల్ దేవ్ సహా పలువురు మాజీ క్రికెటర్లు అతనికి సహాయం చేయడానికి ముందుకొచ్చారు.
ట్విట్టర్ పోస్ట్ చేయండి
ఆసుపత్రిలో కాంబ్లీ
VIDEO | Former Indian cricketer Vinod Kambli was admitted to Akruti Hospital, a private facility in Thane, Maharashtra, on Saturday, December 21, after his health condition deteriorated.
— Press Trust of India (@PTI_News) December 23, 2024
The 52-year-old was brought to the hospital by one of his fans who also owns the hospital in… pic.twitter.com/128LnbYkcu
వివరాలు
'నేను బతికే ఉన్నాను...' స్పందించిన వినోద్ కాంబ్లీ
కాంబ్లీ పిటిఐకి ఇచ్చిన ఒక ప్రకటనలో, తనను ఆదుకున్నందుకు చికిత్స చేస్తున్న వైద్యులకు కృతజ్ఞతలు తెలిపారు. "ఇక్కడ ఉన్న డాక్టర్ వల్లనే నేను బతికే ఉన్నాను... నేను చెప్పేది ఒక్కటే సార్ (డాక్టర్‌ని ఉద్దేశించి) నేను ఏది అడిగితే అది చేస్తాను" అని కాంబ్లీ చిన్న క్లిప్‌లో పేర్కొన్నాడు.