అరుదైన రికార్డు చేరువలో కింగ్ కోహ్లీ, ఛతేశ్వర్ పుజారా
టీమిండియా, ఆస్ట్రేలియా మధ్య కొద్దిరోజుల్లో బోర్కర్ - గవాస్కర్ ట్రోఫీ ప్రారంభం కానుంది. ఈ సిరీస్‌లో అందరి దృష్టి కోహ్లీ, ఛతేశ్వర్ పుజారా, స్టీవ్ స్మిత్, పాట్ కమిన్స్, రవిచంద్రన్ అశ్విన్ పైనే ఉంది. ఈ సిరీస్‌లో పలు రికార్డులు బద్దలు కావడానికి టెస్టు సిరీస్ వేదిక కానుంది. విరాట్ కోహ్లీ, ఛతేశ్వర్ పుజారా ప్రస్తుతం ఓ ప్రత్యేకమైన మైలురాయికి చేరుకోవడానికి సిద్ధంగా ఉన్నారు. ప్రస్తుతం టెస్టు సిరీస్‌లో కోహ్లీ, పుజారా నమ్మకంగా రాణిస్తున్నారు. 37 టెస్టులాడిన పుజారా 1893 పరుగులు, 36 టెస్టులాడిన విరాట్ కోహ్లీ 1682 పరుగులు చేశారు. పుజారా ఇంకా 107 పరుగులు, కోహ్లీ 218 పరుగులు చేస్తే, బోర్డర్-గవాస్కర్ ట్రోఫీలో 2వేల పరుగులు చేసిన ఆటగాళ్లగా నిలవనున్నారు.
విరాట్ కోహ్లీ బోర్డర్-గవాస్కర్ ట్రోఫీలో రాణించేనా..!
సచిన్ టెండూల్కర్, రికీ పాంటింగ్, రాహుల్ ద్రవిడ్, మైకేల్ క్లార్క్ లాంటి దిగ్గజాలు మాత్రమే బోర్డర్ - గవాస్కర్ ట్రోఫీలో రెండువేల పరుగులు పూర్తి చేసిన ఆటగాళ్లగా చరిత్రకెక్కారు. పుజారాను గతేడాది శ్రీలంక సిరీస్ లో జట్టు నుంచి తొలగించారు. అయినా ఫుజారా టెస్టు ఫార్మాట్లో నమ్మకంగా బ్యాటింగ్ చేస్తున్నాడు. దీంతో మళ్లీ టీమిండియా టెస్టు సిరీస్ కు పుజారాను ఎంపిక చేశారు. కోహ్లి ప్రస్తుతం వన్డే, టీ20ల్లో రాణిస్తున్నా.. టెస్టులో కూడా రాణిస్తే భారత్‌కు తిరుగుండదు. బోర్డర్-గవాస్కర్ ట్రోఫీలో విరాట్ కోహ్లీ అద్భుతంగా రాణించాలని అభిమానులు అశిస్తున్నారు.
