జరిమానా చెల్లించడంలోనూ విరాట్ కోహ్లీ రికార్డు
ఈ వార్తాకథనం ఏంటి
ఇండియన్ ప్రీమియర్ లీగ్ లో ఆర్సీబీ తాత్కలిక కెప్టెన్ విరాట్ కోహ్లీ అద్భుత ఫామ్ లో ఉన్నాడు. ఈ సీజన్ లో ఐదు అర్ధ సెంచరీలతో ఆర్సీబీ జట్టు విజయంలో కీలక పాత్ర పోషిస్తున్నాడు. ఈ ఐపీఎల్‌లో 364 పరుగులు చేసి అత్యధిక పరుగుల జాబితాలో నాలుగో స్థానంలో నిలిచాడు. అయితే విరాట్ కోహ్లీ ఆడిన 9 మ్యాచ్‌ల్లో మూడు సార్లు ఐపీఎల్ ప్రవర్తనా నియమావళిని ఉల్లంఘించాడు. దీంతో మూడుసార్లు జరిమానా చెల్లించడం గమనార్హం. ఏప్రిల్ 17న చైన్నై సూపర్ కింగ్స్ తో జరిగిన మ్యాచ్ లో విరాట్ కోహ్లీ దూకుడుగా సంబరాలు చేసుకోవడంతో ఆర్టికల్ 2.2 ప్రకారం లెవల్ 1 నేరం కారణంగా అప్పట్లో 12 లక్షలు జరిమానా విధించారు.
Details
ఎక్కువ మొత్తంలో జరిమానా చెల్లించిన కోహ్లీ
ఏప్రిల్ 13న రాజస్థాన్ రాయల్స్ తో ఆర్సీబీ తలపడింది. ఈ మ్యాచ్ లో విరాట్ కోహ్లీ స్లో ఓవర్ రేట్ కారణంగా రూ.25 లక్షలు జరిమానాను ఐపీఎల్ నిర్వాహకులు విధించారు. మొన్న లక్నో సూపర్ జెయింట్స్ తో జరిగిన మ్యాచ్ ఐపీఎల్ ప్రవర్తనా నియమావళికి సంబంధించి లెవెల్-2 ఉల్లంఘనకు కోహ్లీకి ఆ మ్యాచ్ లో ఏకంగా 100శాతం జరిమానా పడింది. ఈ తప్పిదానికి ఏకంగా కోహ్లీకి రూ.1.07 కోట్లు జరిమానా విధించడం విశేషం. మొత్తంగా కోహ్లీ 1.42 కోట్లు జరిమానా చెల్లించాడు. లోమ్రార్ 95లక్షలు, ప్రభుదేశాయ్ 30 లక్షలు, కర్ణ శర్మ 50 లక్షలు, ఫిన్ అలెన్ రూ.80 లక్షలు ఇచ్చే దాని కంటే కంటే విరాట్ కోహ్లీ ఎక్కువ జరిమానా కట్టాడు.