విరాట్ కోహ్లీ సూపర్ రికార్డు.. దేశంలోనే కాదు ఆసియాలో కూడా కోహ్లీనే రారాజు
ఈ వార్తాకథనం ఏంటి
టీమిండియా స్టార్ విరాట్ కోహ్లీకి సోషల్ మీడియాలో ఉన్న ఫాలోయింగ్ చూస్తే ఎవరికైనా మతి పోవాల్సిందే. అతను అంతర్జాతీయ క్రికెట్లో అడుగుపెట్టినప్పటి నుంచి ఏదో రికార్డుతో అభిమానులను అలరిస్తున్నాడు. క్రికెట్ ప్రపంచంలో ఎన్నో రికార్డులను బద్దలు కొట్టిన కోహ్లీ ఐపీఎల్ 2023 సీజన్ లో కూడా దుమ్మురేపాడు. ఫ్లే ఆఫ్స్ నుంచి ఆర్సీబీ నిష్క్రమించినా కోహ్లీ ఫ్యాన్స్ మాత్రం అతన్ని దేవునిలా ఆరాధిస్తున్నాడు. ప్రస్తుతం ఇండియాలో కోహ్లీకి ఉన్న క్రేజ్ ఎవరికీ లేదు. మొన్నటి వరకూ ఇండియాలో టాప్ గా ఉన్న కోహ్లీ ఇప్పుడు ఒక విషయంలో ఆసియాలోనే టాప్ గా నిలిచి రికార్డును సృష్టించాడు. తాజాగా కోహ్లీ ఇన్ స్టాగ్రామ్ ఫాలోవర్ల సంఖ్య 25 కోట్ల మార్క్ ను అందుకోవడం విశేషం.
Details
అత్యధిక ఫాలోవర్లు ఉన్న మూడో క్రీడాకారుడిగా కోహ్లీ రికార్డు
అయితే ఆసియా ఖండంలో ఇంతమంది ఫాలోవర్లు కలిగిన స్పోర్ట్స్ మెన్ మరొకరు లేరని చెప్పొచ్చు. ప్రపంచ వ్యాప్తంగా చూసుకుంటే అత్యధిక మంది ఫాలోవర్లు ఉన్న అథ్లెట్ల లిస్టులో కింగ్ కోహ్లీ మూడో స్థానంలో ఉన్నాడు. ఫుట్ బాల్ స్టార్ క్రిస్టియానో రొనాల్డ్, లియోనెల్ మెస్సీ తర్వాత అత్యధిక ఫాలోవర్స్ ఉన్న మూడో క్రీడాకారుడిగా విరాట్ కోహ్లీ చరిత్రకెక్కాడు. విరాట్ కోహ్లీ తర్వాత ప్రియాంక చోప్రా సూమారు 9 కోట్ల ఫాలోవర్లతో రెండో స్థానంలో నిలిచింది. ఆ తర్వాత శ్రద్ధాకపూర్(8కోట్లు) ఆలియా భట్ (7.7 కోట్లు), నరేంద్ర మోదీ (7.5 కోట్లు) ఉన్నారు. ఇక ధోనికి 42.2 మిలియన్ ఫాలోవర్స్ ఉండగా.. టీమిండియా కెప్టెన్ రోహిత్ శర్మకు 29 మిలియన్ ఫాలోవర్స్ మాత్రమే ఉన్నారు.