Virat Kohli: అంపైర్ల తీర్పుపై కోహ్లీ ఆగ్రహం.. నిజంగా ఎవరి తప్పు? రూల్స్ ఇవే
ఈ వార్తాకథనం ఏంటి
ఐపీఎల్ 2026లో భాగంగా గురువారం జరిగిన మ్యాచ్లో గుజరాత్ టైటాన్స్ పై రాయల్ చాలెంజర్స్ బెంగళూరు ఓటమి పాలైంది. అర్షద్ ఖాన్ (3/22), రషీద్ ఖాన్ (2/19), జేసన్ హోల్డర్ (2/29) అద్భుత బౌలింగ్తో ఆర్సీబీని కట్టడి చేశారు. ముందుగా బ్యాటింగ్ చేసిన ఆర్సీబీ 19.2 ఓవర్లలో 155 పరుగులకు ఆలౌట్ అయింది. దేవ్దత్ పడిక్కల్ 24 బంతుల్లో 40 పరుగులు చేసి అత్యధిక స్కోరు సాధించాడు. గుజరాత్ 15.5 ఓవర్లలో 6 వికెట్లు కోల్పోయి విజయం సాధించింది. శుభ్మన్ గిల్ 18 బంతుల్లో 43, జోస్ బట్లర్ 19 బంతుల్లో 39 పరుగులతో మెరిశారు. అయితే ఈ మ్యాచ్లో కెప్టెన్ రజత్ పాటిదార్ ఔట్ నిర్ణయం పెద్ద వివాదానికి దారితీసింది.
వివరాలు
మైదానంలో ఉద్రిక్తత..
ఆర్సీబీ ఇన్నింగ్స్ సజావుగా సాగుతున్న సమయంలో పాటీదార్ ఔట్ అయ్యాడు. అర్షద్ ఖాన్ వేసిన 7.4వ బంతిని అతను బలంగా కొట్టగా జేసన్ హోల్డర్ క్యాచ్ అందుకున్నాడు. అంపైర్లు వెంటనే ఔట్గా ప్రకటించారు. క్యాచ్ పట్టే క్రమంలో హోల్డర్ నేలపై పడటం, బంతి నేలను తాకినట్లు కనిపించడం వివాదానికి కారణమైంది. మూడో అంపైర్ కూడా ఔట్గా నిర్ణయం ఇవ్వడంతో డగౌట్లో ఉన్న విరాట్ కోహ్లీ తీవ్ర అసహనానికి లోనయ్యాడు. మ్యాచ్ అధికారులతో వాదనకు దిగాడు. అదే సమయంలో ప్రధాన శిక్షకుడు ఆండీ ఫ్లోవెర్కూడా ఈ నిర్ణయంపై అసంతృప్తి వ్యక్తం చేశాడు. హోల్డర్ క్యాచ్ సమయంలో పూర్తి నియంత్రణలో లేడని, బంతి నేలను తాకినట్లు కనిపించిందని వారు వాదించారు. దీంతో మైదానంలో ఉద్రిక్తత నెలకొంది.
వివరాలు
మూడో అంపైర్ నిర్ణయంపై సందేహం..
మరోవైపు క్రునాల్ పాండ్యా కూడా ఆగ్రహంగా స్పందించాడు. మ్యాచ్లో ఇప్పటికే ఉన్న ఒత్తిడికి ఈ వివాదం మరింత వేడి తెచ్చింది. ఆటగాళ్ల భావోద్వేగాలు బయటపడగా, ప్రేక్షకులు కూడా అసంతృప్తి వ్యక్తం చేశారు. 'ఔట్ లేదా నాటౌట్?' అనే చర్చ సామాజిక మాధ్యమాల్లో ప్రాచుర్యం పొందింది. కొందరు అంపైర్ల నిర్ణయాన్ని సమర్థించగా, మరికొందరు ఇది స్పష్టంగా నాటౌట్ అని వాదించారు. సాంకేతిక పరిజ్ఞానం ప్రాముఖ్యత, మూడో అంపైర్ నిర్ణయాల ప్రాధాన్యం ఈ సంఘటనతో మరోసారి స్పష్టమైంది. మాజీ క్రికెటర్ దొబ్బ గణేష్ అంపైర్లపై తీవ్ర విమర్శలు చేశారు. ఆధునిక సాంకేతికత ఉన్నప్పటికీ ఇలాంటి తప్పిదాలు జరగడం అనర్హమని పేర్కొన్నారు.
ట్విట్టర్ పోస్ట్ చేయండి
వైరల్ అవుతున్న వీడియో ఇదే..
🚨Virat Kohli and Andy flower's fight with Umpires 🚨
— Indian Cricket (@IPL2025Auction) April 30, 2026
- Rajat Patidar OUT on a controversial low catch by Jason Holder.
- Virat Kohli & Andy Flower LOSING it at the umpire Krunal Pandya ready to explode
- Out or Not Out ??
pic.twitter.com/zQCmzdGzoX