WCL 2025: మ్యాచులు రద్దయినా ప్రత్యేక ఘనత సాధించిన డబ్ల్యూసీఎల్‌ 2025 లీగ్
ఈ వార్తాకథనం ఏంటి
మాజీ క్రికెటర్లంతా కలిసి ఇటీవల వరల్డ్ ఛాంపియన్‌షిప్ ఆఫ్ లెజెండ్స్ (World Championship Of Legends WCL) 2025 లీగ్‌లో ఆడారు. ఈ లీగ్‌లో దక్షిణాఫ్రికా ఛాంపియన్స్ విజేతగా నిలిచారు. యువరాజ్ సింగ్ నేతృత్వంలోని భారత్ ఛాంపియన్స్ సెమీస్‌లోకి చేరింది. అయితే అక్కడ పాకిస్థాన్ ఛాంపియన్స్‌తో ఎదురుకావడంతో వైదొలిగింది. ఈ ప్రక్రియలో, డబ్ల్యూసీఎల్‌ 2025 ఒక అరుదైన ఘనతను సొంతం చేసుకుంది. ఈ లీగ్ ప్రపంచంలోనే రెండవ అత్యధిక వ్యూయర్‌షిప్‌ను సాధించినట్లుగా వార్తలు వస్తున్నాయి.
వివరాలు
20 శాతం పెరిగి..
గత సీజన్‌తో పోలిస్తే ఈ సీజన్‌లో ముగిసిన పోటీలకు వ్యూయర్‌షిప్‌ గణనీయంగా పెరిగింది. గణాంకాల ప్రకారం, దాదాపు 20 శాతం పెరుగుదల చోటుచేసుకుంది. ప్రపంచవ్యాప్తంగా 409 మిలియన్ల మంది వీక్షకులు డబ్ల్యూసీఎల్‌ మ్యాచ్‌లను ప్రత్యక్షంగా చూసారు. భారత-పాక్ మ్యాచ్‌లు జరిగితే, ఈ సంఖ్య మరింత ఎక్కువగా ఉండేదని క్రికెట్‌ విశ్లేషకులు చెప్పారు. ముఖ్యంగా దక్షిణాఫ్రికా-పాకిస్థాన్ ఫైనల్‌ రికార్డుస్థితిలో వీక్షకులను ఆకర్షించింది. ఇది పలు ద్వైపాక్షిక సిరీస్‌లతో పోలిస్తే అత్యధిక టీఆర్పీ రేటింగ్‌ సాధించినదని సమాచారం. జులై నెల మొత్తం డబ్ల్యూసీఎల్‌ చర్చల్లో నిలిచినందుకు కారణం మాత్రం భారత్ - పాకిస్థాన్ మ్యాచ్‌ గురించి చర్చ జరగడమే.
వివరాలు
భవిష్యత్తులో జట్లు పెరిగే అవకాశం
ప్రపంచ ఛాంపియన్‌షిప్ ఆఫ్ లెజెండ్స్ లీగ్ తొలి సీజన్‌ 2024లో ప్రారంభమైంది. గత రెండు సీజన్లలో ఆరు జట్లే పాల్గొన్నాయి. భారత్, ఇంగ్లాండ్, దక్షిణాఫ్రికా, విండీస్, ఆస్ట్రేలియా, పాకిస్థాన్ తలపడ్డాయి. WCL 2025 విజయవంతం కావడంతో, రాబోయే సీజన్లలో జట్ల సంఖ్య పెరిగే అవకాశం ఉంది. కొత్తగా రెండు జట్లను చేర్చే అవకాశంపై ప్రమోటర్లు పరిశీలనలో ఉన్నట్లు వార్తలు వస్తున్నాయి. న్యూజిలాండ్‌, శ్రీలంక ఆ స్థానాలకు వచ్చే అవకాశం లేకపోలేదు. ఈ జట్లలో అద్భుతమైన మాజీ క్రికెటర్లు ఉన్నారని అందరికి తెలుసు. ప్రస్తుతం అన్ని మ్యాచులు ఇంగ్లాండ్‌లోని మైదానాల్లో మాత్రమే జరుగుతున్నాయి. ప్రజాదరణ కొనసాగితే, భవిష్యత్తులో మిగతా దేశాల వేదికల్లోనూ మ్యాచులు జరగడానికి అవకాశం ఉందని అభిమానులు ఆశిస్తున్నారు.