షాహీన్ అఫ్రిది పాకిస్తాన్ జట్టులో ఎందుకు ఉన్నాడు?' ప్రశ్నించిన షాహిద్ అఫ్రిది చిన్న కుమార్తె!
ఈ వార్తాకథనం ఏంటి
వన్డే వరల్డ్ కప్ 2023లో పాకిస్థాన్ జట్టు పేలవ ప్రదర్శనతో నిరాశపరుస్తోంది. వరుసగా భారత్, ఆస్ట్రేలియా చేతిలో పాక్ జట్టు ఓడిపోయింది.
ఇక సెమీఫైనల్‌ పోరులో నిలవాలంటే మిగతా మ్యాచుల్లో తప్పక రాణించాల్సి ఉంటుంది.
తొలి మూడు మ్యాచుల్లో నాలుగు వికెట్లను మాత్రమే పాకిస్థాన్ స్పీడ్ స్టార్ షాహీన్ అఫ్రిది పడగొట్టాడు.
అయితే చివరి మ్యాచ్ ఆస్ట్రేలియాపై ఐదు వికెట్లు సాధించి సత్తా చాటాడు. అయినా పాక్ విజయం సాధించలేకపోయింది.
ఈ క్రమంలో పాకిస్థాన్ మాజీ క్రికెటర్ షాహీద్ ఆఫ్రిది కుమార్తె ఆర్వా మాట్లాడిన మాటలు సోషల్ మీడియాలో వైరల్ అవుతున్నాయి.
Details
ఐదో స్థానంలో పాక్ జట్టు
షాహీన్ అఫ్రిది కూడా పాకిస్థాన్ జట్టులో ఉన్నారా అంటూ ఆర్వా షాహిద్ అఫ్రిదిని అడిగింది.
దీనిపై షాహిద్ అఫ్రిది బదులిస్తూ అవును, షాహీన్ కూడా కూడా పాకిస్థాన్ జట్టులో ఉన్నాడని సమాధానం ఇచ్చాడు.
దీంతో అయోమయానికి గురైన ఆరా ఎందుకు ఉన్నాడంటూ ప్రశ్నించింది. దీనిపై అఫ్రిది మాట్లాడుతూ అతను బాగా రాణించడం వల్లే జట్టులో ఉన్నాడని పేర్కొన్నాడు.
ఆస్ట్రేలియాతో మ్యాచ్‌కు ముందు షాహిద్, అతని కుమార్తె ఆరా పాకిస్తాన్ టీవీ షోకు హజరైనప్పుడు ఈ సంభాషణ జరిగింది.
ఇదిలా ఉండగా, వన్డే వరల్డ్ కప్ పాయింట్ల పట్టికలో 2 ఓటములు, 2 విజయాలతో పాక్ జట్టు ఐదో స్థానంలో నిలిచింది.