Yuvraj singh: క్రిస్ బ్రాడ్ షాకింగ్ కామెంట్.. యువరాజ్ రియాక్షన్ ఇదే
ఈ వార్తాకథనం ఏంటి
2007 టీ20 ప్రపంచకప్లో యువరాజ్ సింగ్ ఒకే ఓవర్లో ఆరు సిక్సర్లు బాదిన ఘటన క్రికెట్ చరిత్రలో చిరస్మరణీయంగా నిలిచింది. అయితే ఆ మ్యాచ్ తర్వాత మైదానం బయట జరిగిన కొన్ని ఆసక్తికర సంఘటనలను యువరాజ్ సింగ్ ఇటీవల 'ది ఓవర్ లాప్' కార్యక్రమంలో వెల్లడించాడు. ఆ ఆరు సిక్సర్లు స్టువర్ట్ బ్రాడ్ కెరీర్పై ఎలాంటి ప్రభావం చూపించాయో, అలాగే అతని తండ్రి క్రిస్ బ్రాడ్ ఎలా స్పందించారో యువీ వివరంగా చెప్పాడు.
వివరాలు
ఆయన్ని ఓదార్చిన యువరాజ్
ఆ మ్యాచ్కు రిఫరీగా వ్యవహరించిన స్టువర్ట్ బ్రాడ్ తండ్రి క్రిస్ బ్రాడ్, మ్యాచ్ ముగిసిన తర్వాత యువరాజ్ను కలిసి, "నువ్వు దాదాపు నా కొడుకు కెరీర్ను నాశనం చేశావు" అని భావోద్వేగంగా అన్నారట. ఒక తండ్రిగా తన కొడుకు ఎదుర్కొన్న కష్టాన్ని ఆయన అలా వ్యక్తపరిచారు. దీనికి యువరాజ్ స్పందిస్తూ, "సర్, నా బౌలింగ్లో కూడా గతంలో ఐదు సిక్సర్లు తిన్నాను. ఆ బాధ ఎలా ఉంటుందో నాకు తెలుసు" అని చెప్పి ఆయనను ఓదార్చేందుకు ప్రయత్నించాడు.
వివరాలు
లెజండరీ బౌలర్గా ఎదిగిన వ్యక్తి..
తరువాత క్రిస్ బ్రాడ్ అభ్యర్థన మేరకు యువరాజ్ ఒక జెర్సీపై సంతకం చేస్తూ, "నువ్వు భవిష్యత్తులో ప్రపంచంలోని అత్యుత్తమ బౌలర్లలో ఒకడిగా ఎదుగుతావని ఆశిస్తున్నాను" అని రాసిచ్చాడు. అయితే ఆ జెర్సీని స్టువర్ట్ బ్రాడ్ కోపంతో చెత్త బుట్టలో వేసేశాడని యువరాజ్కు తర్వాత తెలిసింది. దీనిపై యువీ స్పందిస్తూ, "అలాంటి పరిస్థితిలో కోపం రావడం సహజం. అందులో తప్పేమీ లేదు" అని పరిపక్వంగా వ్యాఖ్యానించాడు. ఆ సంఘటనను ధైర్యంగా ఎదుర్కొని, నిరుత్సాహానికి లోనుకాకుండా బ్రాడ్ 600కిపైగా టెస్ట్ వికెట్లు సాధించి లెజెండరీ బౌలర్గా ఎదగడం నిజంగా గొప్ప విషయమని యువరాజ్ ప్రశంసించాడు.