ఎయిర్ న్యూజిలాండ్ ప్లేన్: 16గంటలు గాల్లోనే ప్రయాణం చేసి వెనక్కి వచ్చేసిన ఫ్లైట్
ఈ వార్తాకథనం ఏంటి
ఎయిర్ న్యూజిలాండ్ ప్రైవేట్ లిమిటెడ్ కి చెందిన ఫ్లైట్ NZ2, న్యూజిలాండ్ లోని ఆక్లాండ్ నుండి అమెరికాలోని న్యూయార్క్ ఎయిర్ పోర్ట్ కి బయలు దేరింది.
న్యూయార్క్ లో జాన్ ఎఫ్ కెన్నెడీ విమానాశ్రయంలో 1వ టర్మినల్ లో దిగాల్సింది. కానీ అనుకోకుండా జాన్ ఎఫ్ కెన్నెడీ విమాశ్రయం టర్మినల్ 1లో విద్యుత్ అంతరాయం ఏర్పడింది.
ఈ పరిస్థితి చాలా సేపటివరకు అలాగే ఉండడంతో ఆక్లాండ్ నుండి బయలు దేరిన విమానం తిరిగి యూటర్న్ తీసుకుని ఆక్లాండ్ వైపే బయలుదేరింది. అంటే మొత్తం 16గంటల పాటు విమానం గాల్లోనే ఉంది.
14000కిలోమీటర్లు ప్రయాణం చేసిందన్నమాట. ఈ మేరకు ఎయిర్ న్యూజిలాండ్ అధికారులు తెలియజేసారు. పసిఫిక్ సముద్రం మీదుగా ప్రయాణించిన విమానం, రిటర్న్ వచ్చేసింది.
అంతర్జాతీయం
వేరే టర్మినల్ లో దిగకపోవడానికి కారణాలు
వెనక్కి తిరిగి వెళ్ళకుండా అమెరికాలోని ఇతర ఎయిర్ పోర్ట్ లో విమానాన్ని దించకపోవడానికి కారణాన్ని వివరిస్తూ, ఒకవేళ విమానాన్ని వేరే ఎయిర్ పోర్ట్ లో దించితే, కొన్నిరోజుల పాటు ఆ విమానం అక్కడే ఉండాల్సి వచ్చేది.
దానివల్ల వేరే ప్రయాణీకుల ప్రయాణాలకు ఇబ్బంది కలిగేదని ఎయిర్ న్యూజిలాండ్ సంస్థ అధికారులు వెల్లడించారు. శుక్రవారం మద్యాహ్నం ఈ విమానం ఆక్లాండ్ లో దిగింది. ఇక్కడ నుండి ప్రయాణీకులను అమెరికాలోని ఇతర ఎయిర్ పోర్టులకు వేరే విమానాల పంపిస్తున్నామని వాళ్ళు వెల్లడి చేసారు.
సరిగ్గా నెలక్రితమే ఎమిరేట్స్ కి చెందిన విమానం, దుబాయ్ నుండి ఆక్లాండ్ బయలుదేరింది. కానీ ఆక్లాండ్ లో వరదల వల్ల 13గంటల ప్రయాణం తర్వాత ఎక్కడి నుండి ఎగిరిందో అక్కడికే చేరుకుంది.