private jet crash: వర్జీనియాలో కుప్పకూలిన ప్రైవేట్ జెట్.. ఐదుగురు దర్మరణం
అమెరికా వర్జీనియాలోని గ్రామీణ ప్రాంతంలోని చిన్న విమానాశ్రయం సమీపంలో ఆదివారం మధ్యాహ్నం ఒక చిన్న ప్రైవేట్ విమానం కూలిపోయింది. ఈ ప్రమాదంలో విమానంలో ఉన్న ఐదుగురు మరణించారు. ట్విన్-ఇంజిన్ IAI ఆస్ట్రా 1125విమానం ఎయిర్పోర్ట్ రోడ్డు వెంబడి చెట్లను ఢీకొట్టిందని వర్జీనియా స్టేట్ పోలీసులు ఒక ప్రకటనలో తెలిపారు. చెట్లను ఢీకొన్న వెంటనే విమానంలో మంటలు చెలరేగాయని పోలీసు అధికార ప్రతినిధి వెల్లడించారు. ఈ ప్రమాదంలో పైలట్తో పాటు ఓ చిన్నారితో పాటు మరో ముగ్గురు చనిపోయారు. ఈ క్రమంలో విమానానికి సంబంధించిన పూర్తి సమాచారాన్ని పోలీసులు సేకరిస్తున్నారు. రాష్ట్ర పోలీసులు ఫెడరల్ ఏవియేషన్ అడ్మినిస్ట్రేషన్, నేషనల్ ట్రాన్స్పోర్టేషన్ సేఫ్టీ బోర్డ్తో కలిసి ఫ్లైట్లో అందులో ఉన్నవారి వివరాలను సేకరించే పనిలో నిమగ్నమయ్యారు.