Israel- Palestine: పాలస్తీనాకు మద్దతుగా ఇజ్రాయెల్ మాజీ భద్రతా చీఫ్ సంచలన కామెంట్స్
ఈ వార్తాకథనం ఏంటి
దేశ భద్రతపై ఇజ్రాయెల్ భద్రతా దళం 'షిన్ బెట్' మాజీ చీఫ్ రిటైర్డ్ అడ్మిరల్ అమీ అయాలోన్ కీలక వ్యాఖ్యలు చేశారు.
ఇజ్రయెల్ భద్రత.. పాలస్తీనా దేశ ఉనికితో ముడిపడి ఉందని పేర్కొన్నారు.
'ది గార్డియన్‌'కి ఇచ్చిన ఇంటర్వ్యూలో ఇజ్రాయెల్‌కు కీలక సూచనలు చేశారు.
ప్రస్తుతం హమాస్ లక్ష్యంగా గాజాలో కొనసాగుతున్న ఇజ్రాయెల్ సైనిక కార్యకలాపాలు.. హమాస్‌ను బలహీనపరిచే బదులుగా.. దానికి మద్దతును పెంచే విధంగా ఉన్నాయని హెచ్చరించారు.
'పాలస్తీనియన్లు ఇజ్రాయెల్‌పై ఆధారపడి ఉన్నప్పుడే మన దేశానికి భద్రత భద్రత ఉంటుంది. సైనిక భాషలో చెప్పాలంటే.. కోల్పోయేది ఏమీ లేదని ఎదుటి వ్యక్తి అనుకున్నప్పుడు.. మీరు ఒక వ్యక్తిని గానీ, ఒక సమూహాన్ని గానీ అరికట్టలేరు' అని అయాలోన్ స్పష్టం చేశారు.
ఇజ్రాయెల్
హమాస్ అనేది పాలస్తీనియన్లందరికీ ప్రాతినిధ్యం వహించదు: అయాలోన్
అక్టోబర్ 7న హమాస్ చేసిన దాడికి ప్రతిస్పందనగా ఇజ్రాయెల్ ప్రతీకార దాడులను సమర్థిస్తూనే.. పాలస్తీయన్లకు అయాలోన్ మద్దతుగా మాట్లాడారు.
హమాస్ అనేది పాలస్తీనియన్లందరికీ ప్రాతినిధ్యం వహించదనే విషయాన్ని.. చాలా మంది ఇజ్రాయెలీలు గుర్తించడంలో విఫలమయ్యారని ఆయన నొక్కి చెప్పారు.
పాలస్తీనియన్లందరూ హమాస్‌కు మద్దతు ఇస్తున్నారని లేదా దానితో అనుబంధంగా ఉన్నారని ప్రబలంగా ఉన్న ఇజ్రాయెలీల నమ్మకాన్ని ఆయన తప్పుబట్టారు. ఈ చర్య పాలస్తీనా ఉనికికే ప్రమాదంగా మారే అవకాశం ఉందన్నారు.
ఇజ్రాయెల్
'ఇంతిఫాదా' నాయకుడిని విడుదల చేసి చర్చలు జరపాలి: అయాలోన్
పాలస్తీనా- ఇజ్రాయెల్ మధ్య వివాదం మరింత ప్రమాదకరంగా మారకకుండా ఉండాలంటే.. రెండు వర్గాల మధ్య అర్ధవంతమైన చర్చలు జరగాలని అయాలోన్ ఆకాంక్షించారు.
ఇందుకోసం జైలులో ఉన్న రెండో 'ఇంతిఫాదా' ఉద్యమ నాయకుడు మర్వాన్ బర్ఘౌటిని విడుదల చేయాలని ప్రతిపాదించారు.
పాలస్తీనా ఎన్నికలలో బార్ఘౌటికి ఉన్న ప్రజాదరణ ఏంటో అర్థమైందని, అందుకే రెండు దేశాల మధ్య శాంతి చర్చలకు ఆయన్ను ముందుపెట్టాలని అయాలోన్ ప్రతిపాదించారు.
రాజకీయ లక్ష్యం లేని యుద్ధాల వల్ల ఎన్నో అనర్థాలు జరుగుతాయని, ఈ విషయాన్ని ఇజ్రాయెల్ గుర్తుంచుకోవాలన్నారు.