అమెరికాలో మనిషి మాంసాన్ని తీనేస్తున్న బ్యాక్టీరియా.. ఇప్పటికే ముగ్గురు మృతి!
ఈ వార్తాకథనం ఏంటి
అగ్రరాజ్యం అమెరికాలో కొత్త రకం బ్యాక్టీరియా ప్రజలను హడలెత్తిస్తోంది. మనిషి శరీరంలోని మాంసాన్ని తినేస్తున్న బ్యాక్టీరియాతో ఇప్పటికే న్యూయార్క్, కనెక్టికట్‌లో ముగ్గురు మృతి చెందారు.
ఉప్పునీటిలో, సముద్ర సంబంధిత ఆహారంలో ఈ బ్యాక్టీరియా ఉందని వైద్యులు ధ్రువీకరించారు.
నిపుణుల వివరాల ప్రకారం కలరా వ్యాధికి కారణమయ్యే బాక్టీరియా విబ్రియో వల్నిఫికస్ సముద్ర సంబంధిత ఆహారంలో ఉంటుంది.
ఇది మానవ శరీరంలోకి వెళ్లి వారి ప్రాణాలను తీస్తుంది. కనెక్టికట్ నగరం ప్రజారోగ్య అధికారి చెప్పిన వివరాల ప్రకారం లాంగ్ ఐలండ్ సౌండ్‌లో వేర్వేరు చోట్ల ఇద్దరు వ్యక్తులు ఈత కొట్టే క్రమంలో ఈ వైరస్ సోకి మరణించినట్లు తెలిపారు.
Details
ప్రజలు అప్రమత్తంగా ఉండాలి
మూడో వ్యక్తి రా ఆయిస్టర్స్ ను తిన్న తర్వాత జూలైలో ఈ వైరస్ సోకింది. చనిపోయిన వారి వయస్సు 60 నుంచి 80 సంవత్సరాల మధ్యలో ఉంటుంది.
ముఖ్యంగా రా ఆయిస్టర్స్ తినడం, ఉప్పు నీటిలో ఈతకొట్టడం వల్ల ఈ వ్యాధి సోకుతుందని, ప్రజలు అప్రమత్తంగా ఉండాలన్నారు.
విబ్రియో బ్యాక్టీరియా చాలా అరుదైనదని, దురదృష్టశాత్తూ అది న్యూయార్క్ ప్రాంతానికి వచ్చిందని న్యూయార్క్ గవర్నర్ కేథీ హోచుల్ తెలిపారు.
విబ్రియో వల్నిఫికస్ అనే బ్యాక్టీరియా కారణంగా చర్నానికి గాయాలై, అల్సర్లకు కారణమవుతుందని సాధ్యమైనంత త్వరగా చికిత్స పొందాలని వైద్యులు సూచించారు.