Benjamin Netanyahu: ఇజ్రాయెల్ ప్రధాని బెంజమిన్ నెతన్యాహుకు క్యాన్సర్.. తన ఆరోగ్యంపై సంచలన ప్రకటన
ఈ వార్తాకథనం ఏంటి
ఇజ్రాయెల్ ప్రధానమంత్రి బెంజమిన్ నెతన్యాహు తన ఆరోగ్య పరిస్థితిపై ముఖ్యమైన ప్రకటన చేశారు. తనకు తొలి దశలో ప్రోస్టేట్ క్యాన్సర్ ఉన్నట్లు వైద్యులు గుర్తించారని, దానికి విజయవంతంగా చికిత్స పూర్తయ్యిందని శుక్రవారం అధికారికంగా వెల్లడించారు. సాధారణంగా ప్రతి సంవత్సరం విడుదల చేసే వార్షిక వైద్య నివేదికను ఈసారి రెండు నెలల ఆలస్యంతో విడుదల చేశారు. ప్రస్తుతం ఇరాన్తో కొనసాగుతున్న ఉద్రిక్త పరిస్థితులు, యుద్ధ వాతావరణం దృష్ట్యా తన ఆరోగ్యంపై శత్రు దేశాలు అసత్య ప్రచారం చేసి ఇజ్రాయెల్ను బలహీనపరచకుండా ఉండేందుకే ఈ నివేదికను ఇంతకాలం రహస్యంగా ఉంచినట్లు తెలిపారు.
వివరాలు
పూర్తిగా కోలుకున్నట్లు వెల్లడి..
సోషల్ మీడియా వేదిక 'ఎక్స్' ద్వారా స్పందించిన నెతన్యాహు, తాను ప్రస్తుతం పూర్తిగా ఆరోగ్యంగా ఉన్నానని చెప్పారు. అద్భుతమైన శారీరక స్థితిలోనే ప్రభుత్వ బాధ్యతలు నిర్వహిస్తున్నానని వెల్లడించారు. తన ప్రోస్టేట్కు సంబంధించిన చిన్న వైద్య సమస్య తలెత్తిన విషయం నిజమేనని, అయితే వెంటనే వైద్య చికిత్స తీసుకుని పూర్తిగా కోలుకున్నానని పేర్కొన్నారు. ఈ సమస్య వల్ల తన అధికారిక పనుల్లో ఎలాంటి అంతరాయం కలగలేదని స్పష్టం చేశారు.
వివరాలు
పరీక్షలు చేసిన వైద్య బృందం..
గత ఏడాది నిరపాయకరంగా పెరిగిన ప్రోస్టేట్ గ్రంథికి శస్త్రచికిత్స చేయించుకున్నట్లు ఆయన గుర్తు చేశారు. అప్పటి నుంచి తాను వైద్యుల పర్యవేక్షణలో క్రమం తప్పకుండా పరీక్షలు చేయించుకుంటున్నానని తెలిపారు. ఇటీవల నిర్వహించిన సాధారణ వైద్య పరీక్షల్లో భాగంగా ప్రోస్టేట్ ప్రాంతంలో ఒక సెంటీమీటర్ కంటే తక్కువ పరిమాణంలో చిన్న మచ్చను వైద్యులు గుర్తించారు. దీన్ని గమనించిన వెంటనే వైద్య బృందం మరింత లోతైన పరీక్షలు చేపట్టింది.
ట్విట్టర్ పోస్ట్ చేయండి
ప్రధాని చేసిన పోస్ట్ ఇదే..
היום התפרסם הדו״ח הרפואי השנתי שלי.
— Benjamin Netanyahu - בנימין נתניהו (@netanyahu) April 24, 2026
ביקשתי לעכב את פרסומו בחודשיים כדי שהוא לא יפורסם בשיא המלחמה על מנת שלא לאפשר למשטר הטרור באיראן להפיץ עוד תעמולת כזב נגד ישראל.
אני מבקש לשתף אתכם בשלושה דברים:
1 - ברוך השם, אני בריא.
2 - אני בכושר גופני מצויין.
3 - הייתה לי בעיה…