18 ఏళ్ల వైవాహిక జీవితానికి బ్రేక్.. భార్యకి విడాకులు ఇస్తున్న కెనడా ప్రధాని
కెనడా ప్రధానమంత్రి జస్టిన్ ట్రూడో, సోఫీ దంపతులు విడిపోతున్నారు. 18 ఏళ్ల వైవాహిత జీవితానికి గుడ్ బై చెబుతున్నట్లు బుధవారం ఇన్‌స్టాలో ట్రూడో ప్రకటించారు. 2005లో వివాహం చేసుకున్న ఈ జంటకు ముగ్గురు పిల్లలు ఉన్నారు. సుదీర్ఘ చర్చల తర్వాత భార్య సోపీ గ్రెగోయిర్ ట్రూడోతో విడిపోతున్నట్లు ప్రకటించారు.ఈ మేరకు చట్టపరమైన విభజన ఒప్పందంపై ఇరువురు సంతకం చేసినట్లు ప్రధాని కార్యాలయం వెల్లడించింది. 48ఏళ్ల సోఫీ రిపోర్టర్‌గానూ పనిచేశారు.ట్రూడోతో కలిసి 3 సార్లు ఎన్నికల్లో ప్రచారం కూడా చేసింది.మహిళల హక్కులు, మానసిక ఆరోగ్య సమస్యలకు పరిష్కారం కోసం ఆమె కృషి చేశారు. పదవిలో ఉండగా భార్య నుంచి వేరుపడిన రెండో ప్రధాని జస్టిన్ ట్రూడో కాగా తండ్రి పియరీ ట్రూడా తొలిస్థానంలో ఉన్నారు.
