Hanuman statue: యుఎస్‌లో హనుమంతుడి విగ్రహానికి వ్యతిరేకంగా చర్చి నిర్వాహకులు నిరసన
అమెరికాలో ఏర్పాటు చేసిన హనుమంతుడి భారీ విగ్రహానికి వ్యతిరేకంగా స్థానిక సంస్థల ఆధ్వర్యంలో నిరసనలు కొనసాగుతున్నాయి. ఆదివారం, కొందరు చర్చి సభ్యులు ఆలయంలోకి ప్రవేశించి అక్కడ హనుమంతుడి విగ్రహాన్ని నిర్మించడాన్ని నిరసించారు. ఈ బృందంలో సుమారు 25 మంది వ్యక్తులు ఉన్నారు, వారు ఆలయ ప్రాంగణంలోకి ప్రవేశించి, అక్కడ ఉన్న వ్యక్తులను కూడా వేధించారు. స్థానిక మీడియా ప్రకారం, చర్చి సభ్యులు, వారి నాయకుడు ఈ విగ్రహం ఏర్పాటును వ్యతిరేకించారు. ఆలయానికి చేరుకున్నఆ గుంపు తమ మత ఆచారాల ప్రకారం పూజలు కూడా చేశారు. పోలీసులను పిలుస్తామని ఆలయ నిర్వాహకులు హెచ్చరించడంతో వారందరూ అక్కడి నుంచి పరుగులు తీశారు.
ఏసుక్రీస్తు ఒక్కడే దేవుడు, హనుమంతుడిని పూజించవద్దు
టెక్సాస్‌లోని షుగర్ ల్యాండ్‌లో ఉన్న శ్రీఅష్టలక్ష్మి ఆలయంలో హనుమంతుడి విగ్రహాన్ని ప్రతిష్టించి హిందూ సమాజం సంబరాలు చేసుకుంది. హిందూ మతంలో,హనుమంతుడిని జ్ఞానం,శక్తి, ధైర్యం,భక్తికి చిహ్నంగా భావిస్తారు.ఆలయ జాయింట్ సెక్రటరీ డా.రంగనాథ్ కందాల మాట్లాడుతూ.. తొలుత ఈ విగ్రహాన్ని చూసేందుకు ఆలయానికి వచ్చారని భావించామని,ఎందుకంటే అంతర్జాలంలో చదివిన తర్వాత చాలా మంది విగ్రహాన్ని చూసేందుకు వచ్చేవారున్నారు. అందువల్ల వారిని లోపలికి రాకుండా ఎవరూ ఆపలేదు. అయితే కాసేపటి తర్వాత గుడి చుట్టూ ప్రదక్షిణలు చేస్తూ వారు పూజలు చేయడం ప్రారంభించారు. కొంత సమయం తరువాత, వారిలో కొందరు వెళ్లిపోయారు. మిగిలిన వారు యేసుక్రీస్తు గురించి తెలుసా అని అడగడం ప్రారంభించారు.ఈ ప్రజలు ఏసుక్రీస్తు ఒక్కడే దేవుడని, హనుమంతుడిని పూజించవద్దని దేవాలయంలో ఉన్న ప్రజలను కోరారు.
హనుమంతుడు 'రాక్షస దేవుడు'
ఆలయ నిర్వాహకులు ఆందోళనకు దిగిన గుంపును ఒప్పించేందుకు ప్రయత్నించగా, కొందరు ఒప్పుకోకపోగా వాగ్వాదానికి దిగారు. చివరికి, ఆలయ నిర్వాహకులు పోలీసులను పిలుస్తామని బెదిరించారు, ఆ తర్వాత వారు అక్కడి నుండి వెళ్లిపోయారు. ఫేస్‌బుక్‌లో వైరల్‌గా మారిన వీడియోలో చర్చి లీడర్ గ్రెగ్ గెర్వైస్ హనుమంతుడిని 'రాక్షస దేవుడు' అని పేర్కొన్నాడు. ఆగస్టు 18న టెక్సాస్‌లో 90 అడుగుల ఎత్తైన హనుమాన్‌జీ విగ్రహాన్ని ప్రతిష్ఠించారు. ఈ విగ్రహం ఇప్పుడు అమెరికాలో మూడవ ఎత్తైన విగ్రహం. దీనికి 'స్టాట్యూ ఆఫ్ యూనియన్' అని పేరు పెట్టారు. ఈ విగ్రహం శ్రీ అష్టలక్ష్మి ఆలయ ప్రాంగణంలో ఉంది.
