Loading...
ICE Officers: అమెరికా విమానాశ్రయంలో కలకలం.. విమానం ఎక్కుతుండగా ఇద్దరిని ఈడ్చుకెళ్లిన ICE అధికారులు
అమెరికా విమానాశ్రయంలో కలకలం.. విమానం ఎక్కుతుండగా ఇద్దరిని ఈడ్చుకెళ్లిన ICE అధికారులు

ICE Officers: అమెరికా విమానాశ్రయంలో కలకలం.. విమానం ఎక్కుతుండగా ఇద్దరిని ఈడ్చుకెళ్లిన ICE అధికారులు

వ్రాసిన వారు Jayachandra Akuri
Nov 22, 2026
10:30 am

ఈ వార్తాకథనం ఏంటి

అమెరికాలోని సియాటెల్-టకోమా అంతర్జాతీయ విమానాశ్రయంలో తీవ్ర ఉద్రిక్తత చోటుచేసుకుంది. విమానం ఎక్కేందుకు సిద్ధమవుతున్న ప్రయాణికుల మధ్యకు మాస్కులు ధరించిన ఇమ్మిగ్రేషన్ అండ్ కస్టమ్స్ ఎన్‌ఫోర్స్‌మెంట్ (ICE) అధికారులు ప్రవేశించి ఇద్దరిని అదుపులోకి తీసుకున్నారు. విమానంలోకి వెళ్లే మార్గంలోనే ప్రయాణికులను బలవంతంగా ఈడ్చుకెళ్లడంతో అక్కడున్నవారు భయాందోళనలకు గురయ్యారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

వివరాలు

జెట్ బ్రిడ్జ్‌పైకి వచ్చి ఇద్దరిని అదుపులోకి..

శనివారం ఉదయం లాస్ ఏంజెలెస్‌కు వెళ్లాల్సిన అలాస్కా ఎయిర్‌లైన్స్ ఫ్లైట్ 1306లో ప్రయాణికులు ఎక్కుతున్న సమయంలో ఈ ఘటన జరిగింది.

ఉదయం 8:10 గంటలకు బయలుదేరాల్సిన విమానం.. అధికారుల చర్యల కారణంగా ఆలస్యమైంది.

మాస్కులు ధరించిన ICE అధికారులు గుర్తింపు లేని జాకెట్లు, ఖాకీ ప్యాంట్లు ధరించి విమానం ఎక్కే జెట్ బ్రిడ్జ్‌పైకి వచ్చారు.

అక్కడ ఇద్దరిని అదుపులోకి తీసుకునే క్రమంలో తీవ్ర గందరగోళం నెలకొంది.

వివరాలు

నా కుమార్తెకు వర్క్ పర్మిట్ ఉంది: మహిళ ఆవేదన

వైరల్ అవుతున్న వీడియోలో అధికారులు ఓ వ్యక్తిని అదుపులోకి తీసుకుంటూ బలవంతంగా ఈడ్చుకెళ్తున్న దృశ్యాలు కనిపించాయి.

ఈ క్రమంలో ఓ మహిళ గట్టిగా కేకలు వేస్తూ.. అధికారులు తన కుమార్తెను తీసుకెళ్తున్నారని ఆవేదన వ్యక్తం చేసింది.

ఆమెకు చెల్లుబాటు అయ్యే వర్క్ పర్మిట్ ఉందని చెబుతూ అధికారులను ప్రశ్నించింది.

ఈ పరిణామాలను ప్రత్యక్షంగా చూసిన ఇతర ప్రయాణికులు తీవ్ర ఆందోళనకు గురయ్యారు

ADVERTISEMENT