Yahya Sinwar: సోఫాలో కూర్చొని యాహ్యా సిన్వార్ చివరి క్షణాలు..డ్రోన్‌ వీడియో వైరల్
ఇజ్రాయెల్‌ (Israel-Hamas Conflict)తో యుద్ధంలో హమాస్‌ (Hamas)కు తీవ్ర ఎదురుదెబ్బ తగిలింది. ఈ మిలిటెంట్‌ గ్రూప్‌ నాయకుడు, అక్టోబర్ 7న జరిగిన దాడుల ప్రధాన సూత్రధారి యాహ్యా సిన్వర్‌ (Yahya Sinwar)ను ఇజ్రాయెల్‌ రక్షణ దళాలు (IDF) చంపాయి. చనిపోయే ముందు సిన్వర్‌ చేసిన చివరి కదలికలను చూపించే వీడియోలు బయటపడ్డాయి. ఈ దృశ్యాలు ఇజ్రాయెల్‌ డ్రోన్‌ ద్వారా రికార్డు అయినట్లు తెలుస్తోంది. శిథిలమైన ఓ భవనంలో, సోఫా మీద కూర్చుని ఉన్న సిన్వర్‌ను డ్రోన్‌ చిత్రీకరించింది. అతను ఆ దృశ్యాలను గమనించిన తర్వాత, కర్రలాంటి ఒక ఆయుధాన్ని డ్రోన్‌ వైపు విసిరినట్లు వీడియోలో కనిపిస్తోంది. ఈ వీడియోలు ప్రస్తుతం ఆన్‌లైన్‌లో వైరల్ అవుతున్నాయి.
