Fact Check: 7 నెలల పాలస్తీనా చిన్నారి హత్య కేసులో కొత్త ట్విస్ట్.. వీడియోతో ఐడీఎఫ్కు షాక్!
ఈ వార్తాకథనం ఏంటి
వెస్ట్ బ్యాంక్లో ఏడు నెలల పాలస్తీనా చిన్నారి సామ్ ఫహద్ అబు హైకల్ మృతి ప్రపంచవ్యాప్తంగా చర్చనీయాంశంగా మారింది. జూన్ 5న జరిగిన ఈ ఘటనలో ఇజ్రాయెల్ సైనికుల కాల్పుల్లో చిన్నారి మరణించగా,ఈ ఘటనపై ఇజ్రాయెల్ సైన్యం చెప్పిన కథనాన్ని తాజాగా బయటకు వచ్చిన ఓ వీడియో ప్రశ్నిస్తోంది. అందుబాటులో ఉన్న సమాచారం ప్రకారం,సామ్ ఫహద్ అబు హైకల్ తన తల్లిదండ్రులతో కలిసి బెత్లెహెం నుంచి తమ ఇంటికి తిరిగి వస్తుండగా హెబ్రాన్ నగర సమీపంలో ఇజ్రాయెల్ సైనికులు వారి కారును ఆపారు. చిన్నారి తండ్రి ఫహద్ అబు హైకల్ తెలిపిన వివరాల ప్రకారం, ఇంటి సమీపంలోని చెక్పోస్ట్ వద్ద వాహనాన్ని పూర్తిగా నిలిపివేసి చేతులను పైకెత్తినా సైనికులు కాల్పులు జరిపారని ఆరోపించారు.
వివరాలు
వాహనం వేగంగా దూసుకొస్తున్నట్లు అనిపించడంతో కాల్పులు
తండ్రి కథనం ప్రకారం, సుమారు 10 మీటర్ల దూరం నుంచి వచ్చిన బుల్లెట్ కారు ముందు అద్దాన్ని ఛేదించి ముందుగా తన చేతికి, ఆ తర్వాత చిన్నారి తలకు, భార్య ముఖానికి తగిలింది. తీవ్రంగా గాయపడిన చిన్నారిని ఆసుపత్రికి తరలించినప్పటికీ ప్రాణాలు దక్కలేదు. చిన్నారి తల్లి ప్రస్తుతం చికిత్స పొందుతోంది. ఈ ఘటన అనంతరం ఇజ్రాయెల్ సైన్యం దర్యాప్తు ప్రారంభించినట్లు ప్రకటించింది. ప్రాథమిక విచారణలో కారులో ఉన్న కుటుంబ సభ్యులు సాధారణ పౌరులేనని పేర్కొంది. అయితే, తమ సైనికులకు వాహనం వేగంగా దూసుకొస్తున్నట్లు అనిపించడంతో కాల్పులు జరిపినట్లు మొదట వెల్లడించింది.
వివరాలు
రక్తస్రావంతో ఉన్న చిన్నారిని తండ్రి చేతుల్లో ఎత్తుకుని ఉన్న దృశ్యాలు
ఇదిలా ఉండగా, ఇజ్రాయెల్కు చెందిన మానవ హక్కుల సంస్థ బీట్సెలెమ్ విడుదల చేసిన వీడియో కొత్త చర్చకు దారితీసింది. వీడియోలో కారు నెమ్మదిగా వచ్చి పూర్తిగా ఆగిన తర్వాత ఇద్దరు సైనికులు దాని వద్దకు వెళ్లినట్లు కనిపిస్తోంది. కాల్పులు జరిగిన క్షణాలు వీడియోలో లేకపోయినా, అనంతరం రక్తస్రావంతో ఉన్న చిన్నారిని తండ్రి చేతుల్లో ఎత్తుకుని ఉన్న దృశ్యాలు కనిపిస్తున్నాయి. కాల్పుల తర్వాత గాయపడిన చిన్నారి,అతని తల్లికి సైనికులు ఎలాంటి సహాయం అందించలేదని బీట్సెలెమ్ ఆరోపించింది.
వివరాలు
ఘటనపై పూర్తి స్థాయి దర్యాప్తు
కాల్పులు జరిపిన సైనికుడు, అతనితో పాటు ఉన్న మరో సైనికుడు వాహనాన్ని తనిఖీ చేయకుండా, బాధితులకు వైద్య సహాయం అందించకుండా అక్కడి నుంచి వెళ్లిపోయారని సంస్థ పేర్కొంది. మరోవైపు, బీట్సెలెమ్ విడుదల చేసిన వీడియోను పరిశీలిస్తున్నామని ఇజ్రాయెల్ సైన్యం తెలిపింది. ఘటనపై పూర్తి స్థాయి దర్యాప్తు కొనసాగుతోందని పేర్కొంది. ప్రస్తుతం ఈ ఘటనకు సంబంధించిన ఇరుపక్షాల వాదనలు, అందుబాటులో ఉన్న వీడియో ఆధారాలను అధికారులు పరిశీలిస్తున్నారు.
ట్విట్టర్ పోస్ట్ చేయండి
వైరల్ అవుతున్న వీడియో ఇదే..
New footage obtained by B’Tselem uncovers the moments when the Abu Haikal family was shot. Seven-month-old Sam Abu Haikal was killed in the shooting, and both his parents were injured. The footage clearly shows that the Israeli soldier fired at the car as it was slowing to a… pic.twitter.com/rYNeMClLlj
— B'Tselem בצלם بتسيلم (@btselem) June 9, 2026