సముద్రంలో మునిగిన ఇండోనేషియా నౌక.. 15 మంది మృతి, 19 మంది గల్లంతు
ఈ వార్తాకథనం ఏంటి
ఇండోనేషియాలో వేలాది ద్వీపాలు ఉన్నాయి. కొన్నిసార్లు భద్రతా ప్రమాణాలు సరిగ్గా లేక, మరికొన్ని సార్లు నౌకలో సాంకేతిక కారణాల రీత్యా ఆ దేశ జలాల్లో ఎన్నో ప్రమాదాలు జరుగుతుంటాయి.
ఈ క్రమంలోనే సోమవారం సులవేసి ద్వీపంలోని సముద్రంలో ఘోర ప్రమాదం జరిగింది. సముద్రంలో నౌక మునిగిన ఘటనలో 15 మంది ప్రయాణికులు చనిపోయారు. మరో 19 మంది గల్లంతయ్యారు.
ఆగ్నేయ సులవేసి ప్రావిన్స్ రాజధానికి దక్షిణ వైపున దాదాపు 200 కిలోమీటర్ల దూరంలో ఈ దుర్ఘటన చోటు చేసుకుంది. మునా ద్వీపం గుండా ప్రయాణికులతో వెళ్తుండగా ఈ ప్రమాదం సంభవించింది.
ప్రమాద సమయంలో నౌకలో 40 మంది ప్రయాణికులు ఉన్నట్లు అధికార వర్గాలు చెబుతున్నాయి.
DETAILS
ఇండోనేషియా జలాల్లో 17 వేల కంటే ఎక్కువ ద్వీపాలు ఉండటం వల్లే ప్రమాదాలు
అయితే ఘటన తర్వాత వారిలో ఆరుగురు ప్రాణాలతో బయటపడ్డట్లు ఇండోనేషియా అధికారులు ప్రకటించారు. రాత్రి సమయంలో సదరు నౌక ఎలా మునిగిపోయిందో పూర్తి వివరాలు తెలియరాలేదని ప్రాథమికంగా అభిప్రాయపడుతున్నారు.
వివిధ ఆస్పత్రుల్లో ప్రమాద బాధితులు చికిత్స పొందుతున్నట్లు సెర్చ్ అండ్ రెస్క్యూ ఏజెన్సీ అధికారి ముహమ్మద్ అరాఫా వెల్లడించారు. మరోవైపు 15 మృతదేహాలను గుర్తించామని, ఈ మేరకు బాధిత కుటుంబాలకు అప్పగించామన్నారు.
ఇండోనేషియాలో 17 వేల కంటే ఎక్కువ ద్వీపాలు ఉన్నాయి. వీటి గుండానే నౌకలు ప్రయాణిస్తుంటాయి. ఈ క్రమంలోనేే ప్రమాదాలు సంభవిస్తున్నాయి.
నౌక ప్రయాణాల్లో భద్రతా ప్రమాణాలను నిర్లక్ష్యం చేయడంతోనే ఇలాంటి దుర్ఘటనలు తరచుగా జరుగుతున్నాయని ప్రయాణికుల కుటుంబాలు ఆందోళన వ్యక్తం చేస్తున్నాయి.