Sheikh Abdul Hannan: ఖతార్‌లో బంగ్లాదేశ్‌ మాజీ వైమానిక దళ చీఫ్‌ షేక్‌ అబ్దుల్‌ హన్నన్‌ అరెస్ట్
ఈ వార్తాకథనం ఏంటి
బంగ్లాదేశ్‌ వైమానిక దళ మాజీ అధిపతి షేక్‌ అబ్దుల్‌ హన్నన్‌ ఖతార్‌లో అరెస్టయ్యారు. స్వదేశంలో ఆయనపై నమోదైన అవినీతి కేసుకు సంబంధించి ఈ చర్య తీసుకున్నట్లు సంబంధిత వర్గాలు ఆదివారం వెల్లడించాయి. గతంలో ఎయిర్‌ చీఫ్‌ మార్షల్‌గా పనిచేసి పదవీ విరమణ చేసిన హన్నన్‌పై ఆదాయానికి మించి ఆస్తులు కూడబెట్టడం,అనుమానాస్పద ఆర్థిక లావాదేవీలు నిర్వహించడం వంటి ఆరోపణలు ఉన్నాయి. బంగ్లాదేశ్‌ అవినీతి నిరోధక కమిషన్‌ (ఏసీసీ) వివరాల ప్రకారం.. హన్నన్‌ తనకు తెలిసిన ఆదాయ వనరులకు మించి 3.28 కోట్ల బంగ్లాదేశీ టాకాల విలువైన ఆస్తులను కొనుగోలు చేసినట్లు ఆరోపణలున్నాయి. అంతేకాకుండా, ఆయన వ్యక్తిగత బ్యాంకు ఖాతాల ద్వారా మొత్తం 27.63 కోట్ల టాకాల విలువైన అనుమానాస్పద లావాదేవీలు జరిగినట్లు కమిషన్‌ గుర్తించింది.
వివరాలు
అక్టోబర్‌ 15న ఖతార్‌ అధికారులు అదుపులోకి..
హన్నన్‌ను అక్టోబర్‌ 15న ఖతార్‌ అధికారులు అదుపులోకి తీసుకున్నారని ఏసీసీ డిప్యూటీ డైరెక్టర్‌ మహ్మద్‌ అక్తరుల్‌ ఇస్లాం తెలిపారు.
ఇంటర్‌పోల్‌ నుంచి వచ్చిన ఈ-మెయిల్‌ ద్వారా అరెస్టు విషయాన్ని తమ సంస్థకు అధికారికంగా తెలియజేశారని ఆయన వెల్లడించారు.
ఈ కేసులో భాగంగా గత ఏడాది జూలైలోనే హన్నన్‌పై అభియోగాలు నమోదు చేసేందుకు అవినీతి నిరోధక కమిషన్‌ ఆమోదం తెలిపింది.
అవినీతి నిరోధక కమిషన్‌ చట్టం, మనీలాండరింగ్‌ నిరోధక చట్టం, అవినీతి నిరోధక చట్టం కింద చర్యలు చేపట్టేందుకు అనుమతి ఇచ్చినట్లు సంబంధిత వివరాలు వెల్లడిస్తున్నాయి.
వివరాలు
అక్టోబర్‌ 15న ఖతార్‌ అధికారులు అదుపులోకి..
ఈ వ్యవహారంలో హన్నన్‌ భార్య కూడా నిందితురాలిగా ఉన్నారు. తన భర్త సహకారంతో ఆమె ఆదాయ మార్గాలకు మించి రూ.1.91 కోట్లకు పైగా విలువైన ఆస్తులను కూడబెట్టినట్లు ఆరోపణలు ఉన్నాయి.
ఆమె పేరు మీద ఉన్న 32 బ్యాంకు ఖాతాల ద్వారా రూ.1.18 కోట్ల విలువైన అనుమానాస్పద లావాదేవీలు జరిగినట్లు ఏసీసీ గుర్తించింది. ఈ ఆరోపణలపై దర్యాప్తు కొనసాగుతోంది.