US Mass Shooting: అమెరికాలో కాల్పుల ఘటన.. గతంలో సాయుధుడికి గృహ హింస చరిత్ర
ఈ వార్తాకథనం ఏంటి
అమెరికా కాల్పుల్లో 22 మంది మృతి చెందగా, డజన్ల కొద్దీ గాయపడిన నేపథ్యంలో మెయిన్‌లోని ఓ కౌంటీలో ఎమర్జెన్సీ అలర్ట్ ప్రకటించారు. రాబర్ట్ కార్డ్‌గా గుర్తించబడిన సాయుధుడిని పట్టుకోవడానికి పోలీసులు భారీ ఆపరేషన్‌ను ప్రారంభించారు. ఈ సందర్భంగా లెవిస్టన్‌లోని స్థానికులను వారి ఇళ్లలోనే ఉండమని కోరారు. స్థానిక మీడియా ప్రకారం, కాల్పులు బౌలింగ్ అల్లే అలాగే స్థానిక రెస్టారెంట్ అండ్ బార్ పరిసరాలలో జరిగింది. షూటర్ రాబర్ట్ కార్డ్ బౌలింగ్ అల్లే లోపల సెమీ ఆటోమేటిక్ స్టైల్ వెపన్‌తో ఉన్న ఫోటోను స్థానిక పోలీసులు ఫేస్‌బుక్‌లో పోస్ట్ చేశారు.
Details
2 వారాల పాటు మానసిక ఆరోగ్య కేంద్రంలో రాబర్ట్
లా ఎన్‌ఫోర్స్‌మెంట్ రాబర్ట్ కార్డ్ ని గుర్తించడానికి ప్రయత్నిస్తోంది.ఈ సాయంత్రం స్కీంగీస్ బార్, స్పేర్‌టైమ్ రిక్రియేషన్‌లో జరిగిన భారీ కాల్పులకు సంబంధించి అతను అనుమానితుడు. రాబర్ట్ ని ప్రమాదకరమైనదిగా పరిగణించాలని లెవిస్టన్ పోలీస్ డిపార్ట్‌మెంట్ తెలిపింది. రాబర్ట్ కార్డ్(40) ఓ రిటైర్డ్ సైనిక అధికారి. ఇంతకముందు అతను గతంలో గృహ హింస కోసం అరెస్టయ్యాడు. మార్కాలోని ఒక నివేదిక ప్రకారం.. రాబర్ట్ ఇటీవలే వినికిడి,మానసిక ఆరోగ్య సమస్యలను ఉన్నట్లు నివేదించాడు. అతను 2 వారాల పాటు మానసిక ఆరోగ్య కేంద్రంలో చేరినట్లు స్థానిక మీడియా నివేదించింది. షూటింగ్ తర్వాత,అతను వైట్ సుబారు డ్రైవింగ్ చేస్తూ కనిపించాడని, అందుకు సంబందించిన పిక్స్ ని పోలీసులు విడుదల చేశారు.