New York Times Square: న్యూయార్క్ టైమ్స్ స్క్వేర్లో కాల్పులు.. నిక్స్ విజయోత్సవాల వేళ కలకలం
ఈ వార్తాకథనం ఏంటి
అమెరికాలోని అత్యంత రద్దీ ప్రాంతాల్లో ఒకటైన న్యూయార్క్ టైమ్స్ స్క్వేర్లో గురువారం మధ్యాహ్నం తుపాకీ కాల్పులు కలకలం రేపాయి. న్యూయార్క్ నిక్స్ జట్టు 53 ఏళ్ల తర్వాత బాస్కెట్బాల్ ఛాంపియన్షిప్ సాధించడంతో లోయర్ మాన్హట్టన్లో భారీ ఎత్తున విజయోత్సవ పరేడ్ నిర్వహించారు. ఈ చారిత్రక సంబరాలు ముగిసిన కొద్ది గంటలకే మధ్యాహ్నం సుమారు 3:40 గంటల సమయంలో టైమ్స్ స్క్వేర్ కూడలి వద్ద కాల్పులు చోటుచేసుకోవడంతో అక్కడి వాతావరణం ఒక్కసారిగా భయాందోళనలకు గురైంది. వేడుకల్లో పాల్గొన్న స్థానికులు, పర్యాటకులు ఇంకా ఆ ప్రాంతంలోనే ఉండగా అకస్మాత్తుగా తుపాకీ శబ్దాలు వినిపించడంతో ప్రాణభయంతో ఎటు పడితే అటు పరుగులు తీశారు. ఘటనతో పరిసర ప్రాంతాల్లో తీవ్ర గందరగోళం నెలకొంది.
వివరాలు
రద్దీగా ఉన్న కూడలిలోకి వచ్చి కాల్పులకు..
ప్రాథమిక సమాచారం ప్రకారం,కొందరు దుండగుల మధ్య తలెత్తిన ఘర్షణే కాల్పులకు కారణమైనట్లు అధికారులు భావిస్తున్నారు. నల్లటి దుస్తులు ధరించిన ఇద్దరు వ్యక్తులు రద్దీగా ఉన్న కూడలిలోకి వచ్చి కాల్పులకు పాల్పడినట్లు వెల్లడైంది. ఈ ఘటనతో అప్రమత్తమైన సమీప షాపింగ్ మాల్స్ వెంటనే తమ తలుపులను మూసివేశాయి. కాల్పుల్లో గాయపడిన ఒక వ్యక్తిని అధికారులు హుటాహుటిన సమీప ఆసుపత్రికి తరలించి చికిత్స అందిస్తున్నారు. ఇదిలా ఉండగా, నిక్స్ విజయోత్సవ పరేడ్ సందర్భంగా భద్రతా చర్యల్లో భాగంగా నగరవ్యాప్తంగా ఇప్పటికే దాదాపు 10 వేల మంది పోలీసులను మోహరించారు. కాల్పుల సమాచారం అందుకున్న వెంటనే పోలీసులు సంఘటనా స్థలానికి చేరుకుని గాలింపు చర్యలు చేపట్టారు.
వివరాలు
న్యూయార్క్ నగరంలో భద్రతా పరిస్థితులపై మరోసారి చర్చ
ఘటన అనంతరం పారిపోతున్న ఒక నిందితుడిని పోలీసులు వెంటాడి పట్టుకుని అదుపులోకి తీసుకోగా, మరో నిందితుడి కోసం విస్తృతంగా గాలిస్తున్నారు. కాగా, గత వారాంతంలో కూడా టైమ్స్ స్క్వేర్ సమీపంలో జరిగిన మరో కాల్పుల ఘటనలో 17 ఏళ్ల యువకుడు గాయపడిన విషయం తెలిసిందే. తాజా ఘటనతో న్యూయార్క్ నగరంలో భద్రతా పరిస్థితులపై మరోసారి చర్చ మొదలైంది.
ట్విట్టర్ పోస్ట్ చేయండి
టైమ్స్ స్క్వేర్ వద్ద చెలరేగిన ఘర్షణ, కాల్పులు
Shots fired in Times Square following celebrations for the New York Knicks championship parade.
— Christion Maronite (@eye_the49565) June 18, 2026
Police are responding and allegedly have a suspect in custody
Video captures the moment gunfire erupted, sending people scrambling in the crowded Manhattan tourist district. pic.twitter.com/kJVuCz9vye