Hamas proposes: గాజా సంక్షోభం,ఇజ్రాయెల్,హమాస్ ల మొండి పట్టుదల
పాలస్తీనా మిలిటెంట్ గ్రూప్ హమాస్, గాజాలో కాల్పుల విరమణ కోసం US చేసిన ప్రతిపాదనకు తన ప్రతిపాదనకు "సవరణలు" కోరింది. మధ్యవర్తులు ఖతార్ , ఈజిప్ట్ అందుకున్న స్పందన, పూర్తి ఆమోదయోగ్యంగా లేదంది హమాస్ అంగీకారానికి ససేమిరా అంది. దీనితో ఎనిమిది నెలల యుద్ధానికి విరామం కోసం చర్చల్లో ప్రతిష్టంభన కొనసాగుతోంది. అయితే, ఇజ్రాయెల్ మొండిగా వ్యవహరిస్తుందని హమాస్ చెపుతోంది. పూర్తిగా కాల్పులు విరమణ జరిపితే తప్ప మాట్లాడబోమని మిలిటెంట్ గ్రూప్ అంటోంది. ఇదిలా వుంటే దక్షిణ లెబనాన్‌లో ఇజ్రాయెల్ డ్రోన్ దాడిలో హిజ్బుల్లా సీనియర్ ఫీల్డ్ కమాండర్, అబూ తలేబ్‌గా హతమయ్యాడు. మిలిటెంట్ గ్రూపుకు చెందిన ముగ్గురు మరణించారని భద్రతా వర్గాలను ఉటంకిస్తూ రాయిటర్స్ చెప్పింది.
ఇజ్రాయెల్-హమాస్ యుద్ధంలో తాజా పరిణామాలు
ప్రతిపాదిత కాల్పుల విరమణ ఒప్పందంలోని నిబంధనలను ఇజ్రాయెల్ అమలు చేస్తుందా లేదా అనే దానిపై హమాస్ ప్రతినిధులు సందేహాలు వ్యక్తం చేశారు. పోరాటానికి శాశ్వత ముగింపు కావాలని కోరుకుంటే , ఇజ్రాయెల్ పూర్తిగా బలగాలను ఉపసంహరించుకోవాలని కోరుతోంది. దీనికి టెల్ అవీవ్ ససేమిరా అంటోంది. మిలిటెంట్ల వద్ద ఉన్న బందీలందరినీ విడుదల చేస్తే తప్ప తాము చర్చలకు ముందుకు రాబోమని హమాస్ పట్టుబడుతోంది.
జో బైడెన్ ప్రకటించిన,మూడు-దశల ప్రణాళికలో ఏమి వుంది
గత నెలలో US అధ్యక్షుడు జో బిడెన్ ప్రకటించిన ప్రతిపాదన, మూడు-దశల ప్రణాళిక కోసం పిలుపునిచ్చింది. ఇది ప్రారంభ ఆరు వారాల సంధితో ప్రారంభమవుతుంది . పాలస్తీనా ఖైదీలకు బదులుగా కొంతమంది హమాస్ బందీలను విడుదల చేస్తుంది. ఇజ్రాయెల్ దళాలు జనావాస ప్రాంతాల నుండి ఉపసంహరించుకుంటాయి . పాలస్తీనా పౌరులు తమ ఇళ్లకు తిరిగి రావడానికి అనుమతిస్తారు. రెండవ దశ శత్రుత్వాలకు శాశ్వత ముగింపును తెస్తుంది. మిగిలిన బందీలందరినీ విడుదల చేస్తుంది . గాజా నుండి ఇజ్రాయెల్ పూర్తిగా ఉపసంహరించుకోవాలి. మూడవ దశ గాజా కోసం ప్రధాన బహుళ-సంవత్సరాల పునర్నిర్మాణ ప్రణాళికను ప్రారంభిస్తుంది.
హమాస్ అంతానికి ఇజ్రాయెల్ పంతం
US సెక్రటరీ ఆఫ్ స్టేట్ ఆంటోనీ బ్లింకెన్ ఈ ప్రతిపాదనను ఆమోదించాలని హమాస్‌ను కోరుతూనే ఉన్నారు. అంతర్జాతీయ మద్దతుకు నిదర్శనంగా UN భద్రతా మండలి ఈ ప్రణాళికకు అనుకూలంగా ఓటు వేశారని చెప్పారు. ఇదిలా ఉండగా, ఇజ్రాయెల్ ప్రతిపాదనను ఆమోదించినట్లు అమెరికా పేర్కొంది. కాగా హమాస్‌ను నాశనం చేసే వరకు ఇజ్రాయెల్ ఆగదని ఇజ్రాయెల్ ప్రధాని బెంజమిన్ నెతన్యాహు విరుద్ధమైన సంకేతాలను ఇచ్చారు.
రాజీ పడబోము హమాస్ చీఫ్
ది వాల్ స్ట్రీట్ జర్నల్ ప్రకారం, ఇజ్రాయెల్‌పై తాము పైచేయి సాధించామని, హమాస్ చీఫ్ యాహ్యా సిన్వార్ చెప్పుకున్నారు. గాజాలో పౌరుల మరణాల సంఖ్య తీవ్రవాద సంస్థకు అనుకూలంగా పనిచేస్తుందని హమాస్ చీఫ్ యాహ్యా సిన్వార్ అన్నాడు. ఇజ్రాయెల్‌తో సంధిని కొనసాగించడంలో తనకు ఆసక్తి లేదని సిన్వార్ తెలియజేశాడు.ఈమేరకు , మధ్యవర్తులకు సిన్వార్ తెలియజేశాడు. అనేక నెలలుగాహమాస్,ఇజ్రాయెల్‌తో సంధిని కుదర్చడానికి పలు దేశాలు ప్రయత్నాలు కొనసాగిస్తూనే వున్నాయి. కాగా పాలస్తీనా పౌర మరణాలను "అవసరమైన త్యాగాలు"గా సిన్వార్ అభివర్ణించాడని అంతర్జాతీయ మీడియా చెపుతోంది
