Las vegas University: లాస్ వెగాస్ యూనివర్శిటీలో కాల్పులు..ముగ్గురు మృతి.. ఒకరి పరిస్థితి విషమం.. సాయుధుడు మృతి
ఈ వార్తాకథనం ఏంటి
అమెరికాలోని లాస్ వెగాస్ (UNLV)లోని నెవాడా యూనివర్శిటీ ప్రధాన క్యాంపస్‌లో బుధవారం జరిగిన కాల్పుల ఘటనలో కనీసం ముగ్గురు వ్యక్తులు మరణించారని అధికారులు తెలిపారు. కాల్పుల్లో నిందితుడు కూడా మరణించాడని పోలీసులు తెలిపారు. కాల్పుల్లో గాయపడిన వ్యక్తి పరిస్థితి విషమంగా ఉందని అధికారులు తెలిపారు. అయితే నిందితుడు పోలీసుల కాల్పుల్లో మరణించాడా లేక ఆత్మహత్యాయత్నానికి పాల్పడ్డాడా అనే విషయంపై స్పష్టత రాలేదు.బాధితులను అధికారులు గుర్తించలేదు. కాల్పుల అనంతరం యూనివర్శిటీని పోలీసులు ఖాళీ చేయించారు. బ్యాక్‌ప్యాక్‌లతో ఉన్న అనేక డజన్ల మంది విద్యార్థులను పోలీసులు క్యాంపస్ వెలుపలికి తీసుకెళ్లడం కనిపించిందని న్యూయార్క్ టైమ్స్ నివేదించింది.
Details
2017లో ఈ తరహా ఘటన
కాల్పుల ఘటన నేపథ్యంలో, నెవాడా విశ్వవిద్యాలయం, అలాగే అన్ని ఇతర దక్షిణ నెవాడా విద్యాసంస్థలు బుధవారం (స్థానిక కాలమానం) వరకు మూసివేయాలని ఆదేశించారు. విశ్వవిద్యాలయం సమీపంలోని పలు రహదారులను కూడా పోలీసులు మూసివేశారు. లాస్ వెగాస్ స్ట్రిప్‌కు తూర్పున రెండు మైళ్ల కంటే తక్కువ దూరంలో ఉన్న UNLV క్యాంపస్‌లో దాదాపు 25,000 మంది అండర్ గ్రాడ్యుయేట్లు, 8,000 మంది పోస్ట్-గ్రాడ్యుయేట్లు,డాక్టరల్ అభ్యర్థులు ఉన్నారు. 2017లో లాస్ వెగాస్ స్ట్రిప్ లో జరుగుతున్న మ్యూజికల్ ఫస్ట్ సమయంలో ఒక ఎత్తైన హోటల్ కిటికీ నుండి ఒక సాయుధుడు కాల్పులు జరిపాడు. ఈ కాల్పుల్లో అరవై మంది మరణించగా వందలాది మంది గాయపడ్డారు.