London: లండన్ బస్సు స్టాప్ లో భారతీయ సంతతి మహిళ దారుణ హత్య
ఇంగ్లండ్ రాజధాని లండన్‌లో మరో కత్తిపోటు ఘటన చోటుచేసుకుంది. నార్త్-వెస్ట్ లండన్‌లోని బస్టాప్ వద్ద వేచి ఉన్న 66 ఏళ్ల భారతీయ సంతతికి చెందిన అనితా ముఖి హత్యకు గురయ్యారు. ఈ సంఘటన 9 మే 2024న ఎడ్గ్‌వేర్ ప్రాంతంలో జరిగింది. ఈ కేసులో 22 ఏళ్ల జలాల్ దేబెలాను పోలీసులు అరెస్టు చేశారు. అతనిపై ఫస్ట్ డిగ్రీ హత్య సెక్షన్ల కింద కేసు నమోదు చేశారు. మీడియా నివేదికల ప్రకారం, అనితా ముఖి ఇంగ్లాండ్‌లోని నేషనల్ హెల్త్ సర్వీస్ (NHS)లో మెడికల్ సెక్రటరీగా పార్ట్‌టైమర్‌గా పనిచేశారు. బర్న్ట్ ఓక్ బ్రాడ్‌వే బస్టాప్‌లో ఉన్న సమయంలో 22 ఏళ్ల జలాల్ డెబెల్లా ఆమెను హత్య చేశాడు.
హత్య జరిగిన రెండు రోజుల తర్వాత జలాల్ అరెస్టు
సమాచారం ప్రకారం డెబెల్లా మొదట ఆమెతో వాదించారని, ఆపై ఆమెనని గొంతు నులిమి చంపడానికి ప్రయత్నించి విఫలమవడంతో అతను కత్తిని తీసి ఆమె ఛాతీ,కడుపులో చాలాసార్లు పొడిచాడు. అనితా ముఖిని హత్య చేసిన తర్వాత, డెబెల్లా అక్కడి నుంచి పారిపోయాడు. ఘటనా స్థలానికి చేరుకున్న వైద్య సిబ్బంది అనిత ముఖి ప్రాణాలను కాపాడేందుకు ప్రయత్నించగా అప్పటికే ఆమె మృతి చెందింది. అనితా ముఖి హత్య జరిగిన రెండు రోజుల తర్వాత జలాల్‌ను పోలీసులు అరెస్టు చేశారు. జలాల్‌ను శనివారం (మే 11, 2024) లండన్‌లోని ఓల్డ్ బెయిలీ కోర్టులో హాజరుపరిచామని, అక్కడి నుంచి రిమాండ్‌కు తరలించామని లండన్ పోలీసులు తెలిపారు.
UK,లండన్‌లో కత్తి సంబంధిత నేరాల గణాంకాలు విడుదల
అతనిని మంగళవారం (మే 14, 2024) మళ్లీ కోర్టు ముందు హాజరుపరిచారు. హత్యతో పాటు మారణాయుధాన్ని ఉపయోగించారని అతనిపై అభియోగాలు మోపారు. ఆ తర్వాత అతన్ని జైలుకు పంపారు.ఇప్పుడు ఈ కేసులో తదుపరి విచారణ ఆగస్టులో జరుగుతుంది. కొంతకాలం క్రితం PA న్యూస్ ఏజెన్సీ UK,లండన్‌లో కత్తి సంబంధిత నేరాల గణాంకాలను విడుదల చేసింది. 2023 సంవత్సరంలో,లండన్ మెట్రోపాలిటన్ పోలీసులు మాత్రమే 14,577 కత్తిపోటు కేసులను నమోదు చేశారు. 2022 సంవత్సరంలో,ఈ గణాంకాలు 12,119 వరకు ఉన్నాయి.అయితే కరోనా కాలానికి ముందు,మార్చి 2020 వరకు 14,680 కేసులు నమోదయ్యాయి. మొత్తం దేశం గురించి మాట్లాడితే, 2023 సంవత్సరంలో ఇంగ్లాండ్,వేల్స్‌లో కత్తి సంబంధిత నేరాల సంఖ్య 49,489 అందులో 29% కేసులు లండన్‌లోనే నమోదయ్యాయి.
