Canada: కెనడాలో కాల్పుల కలకలం.. బుల్లెట్‌ మిస్‌ అయ్యి.. భారతీయ విద్యార్థిని మృతి
ఈ వార్తాకథనం ఏంటి
కెనడాలో హిందూ దేవాలయాలు, భారతీయులపై ఒక తరువాత ఒకటిగా జరుగుతున్న దాడులు తీవ్ర ఆందోళనకు కారణమవుతున్నాయి.
ఇటీవలే కెనడాలో ఒక భారతీయుడు కత్తితో పొడిచి హత్య చేయబడిన ఘటన ప్రపంచవ్యాప్తంగా భారతీయులను కలచివేసింది.
ఈ నేపథ్యంలో తాజాగా మరో భారతీయ విద్యార్థిని దుండగుడి కాల్పులకు బలైంది.
ఈ విషాదకర ఘటన ఒంటారియో ప్రావిన్స్‌లో బుధవారం (స్థానిక సమయం ప్రకారం) చోటుచేసుకున్నదని, టొరంటోలోని భారత రాయబార కార్యాలయం వెల్లడించింది.
హర్సిమ్రత్ రంధవా అనే యువతి హమిల్టన్‌లోని ఒక కాలేజీలో చదువుతోంది. బుధవారం రోజున ఆమె బస్టాప్ వద్ద బస్సు కోసం వేచిచూస్తుండగా, ఓ కారులో వచ్చిన దుండగుడు అదే బస్టాప్ వద్ద ఆగి ఉన్న మరో వాహనంలోని వ్యక్తిపై కాల్పులు జరిపాడు.
వివరాలు
హర్సిమ్రత్ మరణంపై భారత కాన్సులేట్‌ తీవ్ర దిగ్భ్రాంతి
అయితే అప్పుడు తన్ను లక్ష్యంగా కాకపోయిన బుల్లెట్‌ ఒకటి తప్పిపోయి హర్సిమ్రత్ శరీరాన్ని తాకింది.
సమాచారం అందుకున్న పోలీసులు వెంటనే అక్కడికి చేరుకున్నా, అప్పటికే హర్సిమ్రత్ తీవ్రంగా గాయపడిన రక్తపు మడుగులో కన్పించింది.
వెంటనే ఆసుపత్రికి తరలించినా, ఆమె అప్పటికే మృతిచెందినట్లు వైద్యులు ధృవీకరించారు.
ఈ కాల్పుల అనంతరం రెండు వాహనాలు కూడా అక్కడినుంచి పారిపోయినట్లు పోలీసులు వెల్లడించారు.
ప్రస్తుతం ఈ ఘటనపై దర్యాప్తు కొనసాగుతోందని తెలిపారు. హర్సిమ్రత్ మరణంపై భారత కాన్సులేట్‌ తీవ్ర దిగ్భ్రాంతి వ్యక్తం చేసింది.
ఒక అమాయకురాలు కాల్పులలో ప్రాణాలు కోల్పోవడం ఎంతో విచారకరమని పేర్కొంది.
మృతురాలి కుటుంబానికి తాము పూర్తిగా అండగా ఉంటామని, అవసరమైన అన్ని విధాల సహాయం అందిస్తామని హామీ ఇచ్చింది.
వివరాలు
రాక్‌లాండ్‌ ప్రాంతంలో కత్తి పోట్లకు గురైన భారతీయుడు
ఇటీవల ఒట్టావా సమీపంలోని రాక్‌లాండ్‌ అనే ప్రాంతంలో మరో భారతీయుడు కత్తితో పొడవబడిన ఘటన కూడా కలకలం రేపింది.
అయితే ఆ హత్యలో మృతుడి వివరాలు ఇంకా అధికారికంగా వెల్లడి కాలేదు. ఈ కేసులో నిందితుడిని అరెస్టు చేసి విచారణ చేపట్టినట్లు కెనడా పోలీసులు తెలిపారు.