ఉత్తరమాలిలో పడవ, సైనిక స్థావరంపై ఉగ్రవాదులు దాడి.. 64 మంది మృతి
ఉత్తర మాలిలోని నైజర్ నదిపై గురువారం ఆర్మీ బేస్, ప్రయాణీకుల పడవపై ఉగ్రవాదులు జరిపిన దాడిలో 64 మంది మరణించారని మాలియన్ అధికారి ఒకరు తెలిపారు. ఉగ్రవాదులు జరిపిన దాడులలో 49 మంది పౌరులు, 15 మంది సైనికులు మరణించారు. నైజర్ నదిపై టింబక్టు పడవ, ఉత్తర గావో ప్రాంతంలోని బాంబా వద్ద ఆర్మీ బేస్ ను లక్ష్యంగాచేసుకొని జిహాదీ ఉగ్రవాదులు దాడులు చేశారు. ప్రతి దాడిలో ఎంతమంది మరణించారోసమాచారం లేదు. అల్-ఖైదాకు అనుబంధంగా ఉన్న ఒక సమూహం ద్వారా దాడులు జరిగాయి. "సాయుధ తీవ్రవాద గ్రూపులు" ఉదయం 11 గంటలకు (GMT) పడవపై దాడి చేశాయని మాలియన్ సైన్యం గతంలో సోషల్ మీడియాలో తెలిపింది.
