Kash Patel: ATF చీఫ్‌గా కాష్ పటేల్ తొలగింపు.. ఆయన స్థానంలో అమెరికా ఆర్మీ కార్యదర్శి డేనియల్ డ్రిస్కాల్
ఈ వార్తాకథనం ఏంటి
ఫెడరల్ బ్యూరో ఆఫ్ ఇన్వెస్టిగేషన్ (FBI) డైరెక్టర్‌గా ఉన్న కాష్ పటేల్‌ను ఆల్కహాల్, పొగాకు, తుపాకీలు, పేలుడు పదార్థాల బ్యూరో (ATF) తాత్కాలిక డైరెక్టర్ పదవినుండి తప్పించారు.
ఆయన స్థానంలో అమెరికా ఆర్మీ కార్యదర్శిగా సేవలందిస్తున్న డేనియల్ డ్రిస్కాల్‌ను నియమించారు.
డ్రిస్కాల్, తమ ఆర్మీ కార్యదర్శిగా కొనసాగుతారు, అయితే అదే సమయంలో న్యాయ శాఖ పరిధిలో ఉన్న ATF శాఖకు కూడా పర్యవేక్షణ బాధ్యతలు నిర్వహిస్తారని అధికార వర్గాలు పేర్కొన్నాయి.
ఎఫ్బీఐ డైరెక్టర్‌గా పదవీ స్వీకారం చేసిన కొద్దికాలానికే, ఫిబ్రవరి చివరిలో పటేల్ తాత్కాలిక ATF డైరెక్టర్‌గా బాధ్యతలు చేపట్టారు.
వివరాలు
భగవద్గీతపై ప్రమాణం చేసిన భారతీయ-అమెరికన్ కాష్ పటేల్
ఈ పరిణామాన్ని న్యాయ శాఖకు చెందిన ఒక ఉన్నతాధికారి ధృవీకరించారు.
ఖర్చుల నియంత్రణ లక్ష్యంగా, ATFను అమెరికా డ్రగ్ ఎన్‌ఫోర్స్‌మెంట్ డైరెక్టరేట్ (DEA)లో విలీనం చేయాలా వద్దా అన్న అంశంపై న్యాయ శాఖ సీనియర్ అధికారులు చర్చలు జరుపుతున్న సమయంలోనే ఈ ఆకస్మిక మార్పు చోటుచేసుకోవడం గమనార్హం.
అలాగే, ఈ ఏడాది ఫిబ్రవరిలో భారతీయ-అమెరికన్ అయిన కాష్ పటేల్, భగవద్గీతపై ప్రమాణం చేసి ఎఫ్బీఐ డైరెక్టర్‌గా అధికారికంగా బాధ్యతలు స్వీకరించిన విషయం విదితమే.