Israel: ఆ ప్రాంతం నుంచి వెళ్లిపోండి.. ఇరాన్ వాసులకు ఇజ్రాయెల్ హెచ్చరిక
ఈ వార్తాకథనం ఏంటి
ఇరాన్-ఇజ్రాయెల్ మధ్య ఉద్రిక్తతలు మరింత ముదిరుతున్న వేళ, ఇజ్రాయెల్ పౌరులకు కీలక హెచ్చరిక జారీ చేసింది. ఇరాన్‌లోని ఆయుధ తయారీ కేంద్రాల సమీపంలో నివసించే ప్రజలు తక్షణమే ఆ ప్రాంతాలను విడిచిపెట్టాలని ఇజ్రాయెల్ డిఫెన్స్‌ ఫోర్స్‌ (IDF) అధికారికంగా ప్రకటించింది. ఇదే విషయాన్ని IDF అరబిక్ ప్రతినిధి ఎక్స్‌లో (Twitterలో) పోస్ట్ చేశారు. 'మీ భద్రత కోసం ఇది చెబుతున్నాం. ఆయుధ తయారీ కేంద్రాల సమీపంలో నివసించే వారు వెంటనే ఆ ప్రాంతాల నుంచి వెళ్లిపోవాలి. మళ్లీ అధికారిక సమాచారం వచ్చే వరకు తిరిగి రావద్దు. అక్కడ ఉండటం ప్రమాదకరమని హెచ్చరించారు. అదేవిధంగా ఆయుధ తయారీకి సహకరించే ఇతర కేంద్రాల పరిసరాల్లో నివసిస్తున్న వారినీ వెంటనే ఖాళీ చేయాలని సూచించారు.
Details
ఇజ్రాయెల్ దాడులకు రెడీ.. అధికారిక ధ్రువీకరణ
ఈ హెచ్చరికలతో పాటు, ఇజ్రాయెల్ రక్షణ మంత్రి యోవ్ గాలాంట్ ఖట్జ్ కూడా స్పందించారు. 'టెహ్రాన్‌ సహా ఆయుధ నిల్వలున్న ప్రతి ప్రదేశాన్ని లక్ష్యంగా చేసుకుని IDF దాడులకు సిద్ధమవుతోంది. ఇప్పటికే హెచ్చరికలు జారీ చేశారు. ఆయుధ కేంద్రాల సమీపం ఖాళీ చేయడం ప్రజల కోసం ఎంతో కీలకమని వెల్లడించారు.
Details
టెహ్రాన్‌లో షెల్టర్ల కొరత.. ప్రజలకు కొత్త సూచనలు
ఈ దాడుల నేపథ్యంలో ఇరాన్ రాజధాని టెహ్రాన్‌లో బాంబు షెల్టర్లు లేనందున ప్రజల భద్రతపై ఆందోళన వ్యక్తమవుతోంది. ఈ విషయాన్ని టెహ్రాన్‌ నగర కౌన్సిల్‌ ఛైర్మన్‌ మెహది చమ్రాన్‌ హైలైట్ చేస్తూ, 'మా నగరంలో షెల్టర్లు లేవు, ఇది ఒక పెద్ద లోపం. దీన్ని వెంటనే పరిష్కరించాల్సిన అవసరం ఉందని చెప్పారు. ప్రస్తుత పరిస్థితిలో ప్రజలు అండర్‌ గ్రౌండ్‌ పార్కింగ్‌లు, బేస్‌మెంట్లు, టన్నెల్స్‌ వంటివి తాత్కాలిక ఆశ్రయంగా ఉపయోగించుకోవాలని సూచించారు. త్వరలోనే ప్రత్యేక షెల్టర్ల నిర్మాణంపై కార్యాచరణ చేపడతామని ప్రకటించారు. ఈ పరిణామాలతో మిడిలీస్ట్‌లో మరోసారి యుద్ధ మేఘాలు కమ్ముకున్నట్లు స్పష్టంగా కనిపిస్తోంది. రాబోయే రోజుల్లో పరిస్థితి మరింత ఉద్రిక్తతకే దారి తీయొచ్చన్న విశ్లేషణలు వినిపిస్తున్నాయి.