Netanyahu: నెతన్యాహు కార్యాలయంపై ఇరాన్ ఆకస్మిక దాడి..
ఈ వార్తాకథనం ఏంటి
ఇజ్రాయెల్ ప్రధాని బెంజమిన్ నెతన్యాహు కార్యాలయంపై ఆకస్మిక దాడులు జరిగినట్లు ఇరాన్ విప్లవ గార్డ్స్ సంచలన ప్రకటన చేసింది. ఇరాన్ ఇస్లామిక్ రివల్యూషనరీ గార్డ్స్ కార్ప్స్ (IRGC) ప్రజాసంబంధాల విభాగం వెల్లడించిన వివరాల ప్రకారం, 'క్రిమినల్ ఇజ్రాయెల్ ప్రధాని' నెతన్యాహు కార్యాలయం అలాగే ఆ దేశ వైమానిక దళాధిపతి ఉన్న ప్రదేశాన్ని లక్ష్యంగా చేసుకుని 'ఖైబర్ షెకాన్' బాలిస్టిక్ క్షిపణులతో 10వ దాడి తరంగంలో సడెన్ స్ట్రైక్స్ నిర్వహించినట్లు తెలిపింది. ఈ దాడుల అనంతరం నెతన్యాహు పరిస్థితి ఏమైందన్నది స్పష్టంగా తెలియడం లేదని ఐఆర్జీసీ పేర్కొంది.
వివరాలు
మధ్యప్రాచ్యంలో ఉద్రిక్తతలు మరింత పెరిగే సూచనలు
ఇదిలా ఉండగా, గత వారాంతంలో అమెరికా-ఇజ్రాయెల్ సంయుక్త ఆపరేషన్లో ఇరాన్ సుప్రీం లీడర్ అలీ ఖామెనీ మృతి చెందినట్లు వార్తలు వచ్చిన విషయం తెలిసిందే. దీనికి ప్రతీకారంగా టెహ్రాన్ ప్రభుత్వం, తమ అనుబంధ మిలీషియా గ్రూపులతో కలిసి ఇజ్రాయెల్ నగరాలు, గల్ఫ్ ప్రాంతంలోని అమెరికా సైనిక స్థావరాలపై క్షిపణులు, డ్రోన్లతో దాడులు ప్రారంభించినట్లు సమాచారం. పరిస్థితులు వేగంగా మారుతున్న నేపథ్యంలో మధ్యప్రాచ్యంలో ఉద్రిక్తతలు మరింత పెరిగే సూచనలు కనిపిస్తున్నాయి.