Nigeria: నైజీరియాలో ఘోర విమాన ప్రమాదం.. సైనిక విమానం కూలి 32 మంది మృతి
ఈ వార్తాకథనం ఏంటి
నైజీరియాలో ఘోర విమాన ప్రమాదం చోటుచేసుకుంది. ప్రయాణికులతో వెళ్తున్న సైనిక విమానం ఒకటి కుప్పకూలడంతో 32 మంది ప్రాణాలు కోల్పోయారు. ప్రమాదం నుంచి ఒక్కరు కూడా బయటపడలేదని నైజీరియా అధ్యక్షుడు బోలా టినుబు వెల్లడించారు. ఇటీవలి సంవత్సరాల్లో దేశంలో జరిగిన అత్యంత విషాదకరమైన విమాన ప్రమాదాల్లో ఇది ఒకటని ఆయన పేర్కొన్నారు. బెనిన్ సిటీ నుంచి లాగోస్‌కు.. నైజీరియా వైమానిక దళానికి చెందిన ఏటీఆర్-42 విమానం సోమవారం సాధారణ మిషన్‌లో భాగంగా బెనిన్ సిటీ నుంచి లాగోస్‌కు బయలుదేరింది. విమానం ప్రయాణిస్తున్న సమయంలో ఉదయం 8:13 గంటలకు (జీఎంటీ) ఎయిర్ ట్రాఫిక్ కంట్రోలర్లతో సంబంధాలు తెగిపోయాయి.
వివరాలు
సహాయక చర్యలకు ఆటంకాలు..
దీంతో అధికారులు వెంటనే గాలింపు చర్యలు ప్రారంభించారు. విస్తృతంగా గాలించిన అనంతరం ఒండో రాష్ట్రంలోని తీర ప్రాంత పట్టణం ఇగ్బోకొడా సమీపంలో విమానం శకలాలను గుర్తించారు.
విమానం కూలిన ప్రాంతానికి సహాయక, గాలింపు బృందాలు చేరుకున్నాయి. అక్కడ మృతదేహాలను వెలికితీసే ప్రక్రియను ప్రారంభించారు.
ప్రమాద ప్రాంతం చిత్తడి నేల కావడంతో సహాయక చర్యలు సులభంగా సాగలేదు.
ఈ నేపథ్యంలో స్థానికులు కూడా పడవల్లో అక్కడికి చేరుకుని అధికారులకు సహకరించారు.
విమాన శకలాలను గుర్తించడం, సహాయక చర్యలు చేపట్టడంలో వారు తమ వంతు సాయం అందించారు.
వివరాలు
ప్రయాణికులు, సిబ్బంది ఎవరూ బతకలేదు..
ప్రమాదంలో విమానంలోని ప్రయాణికులు, సిబ్బంది ఎవరూ ప్రాణాలతో బయటపడలేదని నైజీరియా విమానయాన శాఖ మంత్రి ఫెస్టస్ కేయామో తెలిపారు.
ఘటనాస్థలంలో కొందరి వ్యక్తిగత వస్తువులతో పాటు మృతదేహాల అవశేషాలు కనిపించాయని ప్రత్యక్ష సాక్షి అకింటె టోలువలాసే వెల్లడించారు.
విమానం తన కళ్ల ముందే కూలిపోయిందని ఆయన తెలిపారు.
చిత్తడి ప్రాంతం కావడంతో సహాయక చర్యలకు ఇబ్బందులు ఎదురయ్యాయని, అందుకే స్థానికులు అధికారులకు సహాయం చేశారని చెప్పారు.
వివరాలు
ప్రమాదానికి కారణమేంటి?
విమానం కుప్పకూలడానికి అసలు కారణం ఇంకా తెలియరాలేదు. ఘటనపై సమగ్ర దర్యాప్తు చేపట్టాలని అధ్యక్షుడు బోలా టినుబు నైజీరియా వైమానిక దళాన్ని ఆదేశించారు.
ప్రమాదంలో ప్రాణాలు కోల్పోయిన వారి కుటుంబాలకు ఆయన సానుభూతి తెలిపారు.
ఘటనకు దారితీసిన పరిస్థితులను పూర్తిగా వెలుగులోకి తీసుకురావాలని, భవిష్యత్తులో ఇలాంటి ప్రమాదాలు పునరావృతం కాకుండా అవసరమైన చర్యలు తీసుకోవాలని అధికారులను ఆదేశించారు.
దర్యాప్తులో కీలక అంశాలు..
విమాన ప్రమాదానికి ముందు ఏదైనా సాంకేతిక లోపం తలెత్తిందా? ఆ సమయంలో వాతావరణ పరిస్థితులు ఎలా ఉన్నాయి? విమానం కూలిపోవడానికి ముందు పైలట్ నుంచి అత్యవసర సందేశం ఏదైనా వచ్చిందా? అనే అంశాలపై అధికారులు దృష్టి సారించనున్నారు.
దర్యాప్తు పూర్తయిన తర్వాతే ప్రమాదానికి ఖచ్చితమైన కారణం వెల్లడయ్యే అవకాశం ఉంది.
ట్విట్టర్ పోస్ట్ చేయండి
నైజీరియా గగనతలంలో విషాదం.. విమానం కూలి 32 మంది దుర్మరణం
32 people have died after a Nigerian Air Force aircraft crashed near Igbokoda in Ondo State, Nigeria As Locals, Search Igbokoda.
— McCharlie 🇳🇬 🇬🇧 🇬🇷 (@DGBiGG1) October 5, 2026
Locals are searching the swampy riverine area of Igbokoda, Ondo State, where a military aircraft was reported to have crashed earlier today, after… pic.twitter.com/vp8uF5bEUU