పేదరికం ఉచ్చులో పాకిస్థాన్.. 40 శాతం మందికి కనీస సౌకర్యాల్లేవ్
ఈ వార్తాకథనం ఏంటి
దాయాది దేశం పాకిస్థాన్ కరువు కోరల్లో చిక్కుకుంది. ఈ మేరకు పాక్ పేదరికం బారిన పడిందని ప్రపంచ బ్యాంక్ నివేదిక తాజాగా విడుదలైంది.
పాక్ దేశంలో 23.14 కోట్ల మంది ప్రజలు నివసిస్తున్నారు. అందులో 40 శాతం మంది జనం దారిద్ర రేఖకు దిగువున ఉన్నారని నివేదికలో పేర్కొంది. అంటే రమారమి 9.5 కోట్ల మంది పేదరికంలో మగ్గుతున్నారని తెలిపింది.
ఈ క్రమంలోనే పాక్ ను రాజకీయ అస్థిరత, ఆర్థిక సంక్షోభం, ఉగ్రవాద సమస్యలు పట్టిపీడిస్తున్నాయి. గతేడాది పాక్ పేదరికం 34.2 శాతంగా ఉంటే ఈసారి 39.4 శాతానికి పెరిగిందని వెల్లడించింది.
1.25 కోట్ల ప్రజలు రోజూ వారి ఆదాయం 3.65 డాలర్ల కన్నా తక్కువే ఉన్నట్లు తాజా నివేదిక బహిర్గతం చేసింది.
DETAILS
అత్యవసర నిర్ణయాలు తీసుకోవాలి, వృథా ఖర్చులు తగ్గించాలి : ప్రపంచ బ్యాంకు
పాకిస్తాన్ ఎకనామిక్ మోడల్ ఆ దేశంలో పేదరికాన్ని తగ్గించట్లేదని ప్రపంచ బ్యాంకు ఆర్థిక వేత్త టోబియాస్ హక్ అభిప్రాయపడ్డారు.
ఆర్థికంగా వెనకబడిన దేశాలతో పోల్చితే పాక్ ప్రజల జీవన ప్రమాణాలు ఘోరంగా పడిపోయాయన్నారు.
పెరుగుతున్న ధరల కట్టడి సహా, పాక్ వ్యవసాయం, రియల్ ఎస్టేట్ పై తక్షణమే పన్నులతో దిద్దిబాటు చర్యలు తీసుకోవాలని సూచించారు.ఈ మేరకు అత్యవసర నిర్ణయాలు తీసుకోవాలని, వృథా ఖర్చలు తగ్గించాలన్నారు.
టాక్స్ టూ జీడీపీ శాతాన్ని 5 శాతానికి పెంచడం, జీడీపీలో ఖర్చులను 2.7 శాతం తగ్గించాలని హక్ ప్రతిపాదించారు.
పాక్ జీడీపీలో 22 శాతానికి సమానమైన పన్నులను వసూలు చేసే సామర్థ్యాన్ని కలిగి ఉండగా, కేవలం 10.2 శాతం మాత్రమే ప్రస్తుతం వసూలు చేస్తోందని హక్ అన్నారు.