Pakistan: పాకిస్థాన్‌లో వ్యాన్‌ను ఢీకొట్టిన బస్సు.. 18 మంది దుర్మరణం
ఈ వార్తాకథనం ఏంటి
పాకిస్థాన్‌లో ఘోర రోడ్డు ప్రమాదం చోటు చేసుకుంది. 40 మంది ప్రయాణికులతో వెళుతున్న ఓ బస్సు, పికప్ వ్యాన్‌ను ఢీకొట్టింది.
ఈ ఘటనలో 18 మంది అక్కడిక్కడే మృతి చెందగా, మరో 16 మంది తీవ్రంగా గాయపడ్డారు. పాకిస్థాన్‌లోని పంజాబ్ రాష్ట్రంలో ఉన్న పిండి భట్టాయన్ ప్రాంతంలో అదివారం తెల్లవారుజామున ఈ ప్రమాదం చోటు చేసుకుంది.
కరాచీ నుంచి ఇస్తామాబాద్ కు వెళ్తున్న ఓ బస్సు, ఆగి ఉన్న వ్యాన్ ను ఢీకొట్టింది.
వ్యాన్ లో ఇంధన ట్యాంక్ ఉండటంతో ఒక్కసారిగా మంటలు చెలరేగాయి. ఫలితంగా రెండు వాహనాల్లోని ప్రయాణికులు మంటల్లో చిక్కుకున్నారు.
Details
దిగ్బ్రాంతి వ్యక్తం చేసిన పంజాబ్ సీఎం
మృతి చెందిన వారిలో మహిళలు, చిన్నారులకు కూడా ఉన్నారు. కొంతమంది బస్సు కిటికీల నుంచి దూకి ప్రాణాలతో బయటపడ్డారు.
మృతుల సంఖ్య పెరిగే అవకాశం ఉన్నట్లు అధికారులు పేర్కొన్నారు. మృతదేహాలకు డీఎన్ఏ పరీక్ష నిర్వహించి వారి కుటుంబాలకు అప్పగిస్తామని పోలీసులు పేర్కొన్నారు.
పాకిస్తాన్ లో రోడ్డు ప్రమాదంపై పంజాబ్ ఆపద్ధర్మ ముఖ్యమంత్రి మోసిన్ నక్వి దిగ్బ్రాంతి వ్యక్తం చేశారు. క్షతగాత్రులు త్వరగా కోలుకోవాలని ఆయన ప్రార్థించారు.